Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

E Tauatini Tuma Tei Apii i te Tatau e te Tata

E Tauatini Tuma Tei Apii i te Tatau e te Tata

I te 2011, kua tauturu te Au Kite o Iehova e 5,700 tuma tangata kia kite i te tatau e te tata.

Ghana:

E 25 mataiti i topa akenei, e 9,000 tuma ta matou i tauturu kia kite i te tatau e te tata.

Zambia:

Mei te 2002, vaitata i te 12,000 kua mako mai ta ratou tatau e te tata. Karanga a Agnes, e 82 ona mataiti: “Te akakiteia anga te au pupu apii a te putuputuanga no te tatau e te tata, kua rekareka au i te tomo ki roto. I te apii mua, kua kite au i te tata i toku uaorai ingoa!

Peru:

Tata te tangata apii e 55 ona mataiti e: “Kare rava au i manako ana e ka kite au i te tatau e te tata no te mea kare toku nga metua i tuku ana iaku ki te apii.

Mozambique:

E 19,000 tuma tei apii i te tatau no tetai 15 mataiti i teianei. Karanga tetai tei apii ko Felizarda e: “Te rekareka nei au i teianei e ka rauka iaku i te kimi e te tatau i te au irava Pipiria ki tetai ke. E ngata ana teia iaku i mua ana.

Solomon Islands:

Tata to matou opati Betela e: “I mua ana, kare te maata anga e noo ra i te ngai mamao e aere ana ki te apii. Pera katoa, e iti ua te au tamaine e aere ra ki te apii. No reira, kua puapinga te aronga mamaata i teianei mei teia au apii. I muri ake me oti te apii, e maata tei irinaki ia ratou uaorai.