Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Te Ngai Puʼa Kakau Betela: Te au tu Kakau Ravarai

Te Ngai Puʼa Kakau Betela: Te au tu Kakau Ravarai

Te angaanga maroiroi ra te au tane e te vaine mapu i ko i te opati Betela o te Au Kite o Iehova i Marike i te puʼa e 1,800 tane kakau i te au mataiti i ko i to ratou opati e toru i Brooklyn, Patterson, e Wallkill, New York. Mea umere tikai te maata o te kakau. Inara te mea umere i teia angaanga, koia oki e tukeke te kakau ta te aronga angaanga e puʼa ra.

I te au rā, ka tuku mai te aronga e noo ra i ko i te au opati Betela i Marike e 11,000 kakau ki te ngai puʼa kakau i Betela—e 2,300 pona, e 650 piripou roroa, e te au totini, piripou e te piriaro. Ka tuku katoa ratou e 900 kakau tei anoanoia kia tamarō.

Pera katoa, e maata tikai te kakau orongā, kapiti mai te āriki roʼi, te tauera, e te kakau moe, pera katoa te kakau a te au tuati e te kakau tāmā. Ka anoanoia kia puʼa, tamarō, e te akaoki ki tona ngai. Ka puʼaia te kakau tāmā i te ngai okotai, e te au kakau e te pona silika.

Ka akara te aronga puʼa kakau i te au kakau pouroa tei ngaae me kore kare e pitopito. Me anoanoia kia tui i te pitopito, na tetai matini e rave i te reira me kore na tetai tangata. Me anoanoia kia akaou me kore kia akatano i te kakau, na tetai tangata karape e akono i te reira.

Kia akono i te tauatini ua atu kakau tei puʼaia, ka akairo tetai matini i te au kakau tatakitai ki tetai numero bar code. Na teia numero bar code e akataka i te au kakau ka anoanoia kia tāmā, te au kakau tei auriia, ka akaokiia ki te au pia o te aronga e noo ra i ko i te opati Betela.

Na tetai tangata karape i te puʼa kakau e tereni i te aronga ou. Penei ka tereniia tetai tangata apiipii kia rave e 20 angaanga tukeke. Tetai angaanga e akara anga māmā i te rave, inara e ngata koia oki e tāmā i te au toʼu. Ka anoanoia tetai tangata ou kia mārama meitaki i te au kakau tukeke e akapeea me tāmā i te reira.

Ko Tajh, tei angaanga i te ngai puʼa kakau e tai e te āpa mataiti, karanga aia no runga i tona au oa angaanga, “Mataora tikai i te angaanga kapiti—e reka i te angaanga ki te aronga tukeke.” Karanga a Shelly tetai vaine puʼa kakau, “E akameitaki anga tikai kia tauturu i te aronga i Betela kia akara anga manea.”