Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Kapitiia te au Opati Betela o te Au Kite o Iehova

Kapitiia te au Opati Betela o te Au Kite o Iehova

Ia Tepetema 2012, kua taui te akaaerenga o tetai 20 opati Betela o te Au Kite o Iehova, na te au opati maata e akaaere.

Tetai katoa, kua akamouia te au opati ou i Serbia e Makedonia. E rua tumu maata no teia tauianga.

1. Kua akamāmā te technology i te angaanga

I te au mataiti i topa, kua riro te au ravenga ou no te komunikeiti e te neneianga ei akaiti i te aronga angaanga i roto i tetai au opati Betela. No te mea e iti te aronga e angaanga ra i roto i te opati maata, e maata te au pia no te aronga e angaanga ra i roto i te au opati meangiti i te au enua ke.

I teianei, e maata te Au Kite tukatau i roto i te au opati Betela tei kapitiia ei akono i te angaanga apii Pipiria. Tetai akaraanga, i teianei na te opati Betela i Mexico e akaaere i te angaanga tutu aere i Costa Rica, El Salvador, Guatemala, Honduras, Nicaragua, e Panama. Tei tupu, kua topiriia te au opati i teia au enua.

E 40 Au Kite i roto i teia au opati tei tukuia ki te opati Betela i Mexico. E 95 tei toe mai i to ratou enua anau, e te rave nei i te angaanga orometua tamou.

Kua akamata tetai pae i roto i teia au enua i Marike Rotopu i te angaanga i roto i te au opati uri reo e na te opati Betela i Mexico i akaaere. Ei akaraanga, i Panama mei te 20 Au Kite tei uri i ta matou au puka ki roto i te au reo o tera enua. I roto i te opati i Guatemala tei topiriia, e 16 Au Kite tei uri i te au puka i roto i te ā reo no tera enua. No reira i Marike Rotopu, kua riro teia au tauianga ei akaiti mai i te au mema o te opati Betela mei te 300 ki te 75.

2. Maata te aronga angaanga te rave nei i te angaanga tutu aere

No te mea kua topiriia tetai au opati meangiti, e te maata te aronga tutu evangeria tei tavini i roto i teia opati e rave tamou ra i te angaanga tutu aere i teianei.

Kua tata tetai Kite i Aperika, tei tukuia kia rave i te angaanga tutu aere e: “I te nga marama mua, e aka angaanga te tauianga i toku oraanga ki te au turanga ou. Inara na te rave anga i te angaanga tutu aere i te au rā kua rekareka maata au e e maata te au akameitakianga. I teianei, te apii nei au i te Pipiria ki te 20 tangata, e te aere nei tetai pae ki te au uipaanga a te putuputuanga.