Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

E au Mea Manea e te Tuke Tei Akaariia i Botswana

E au Mea Manea e te Tuke Tei Akaariia i Botswana

Mei ia Aukute 22 ki te 28, 2016, kua akaari te Au Kite o Iehova i Botswana, te enua o te ngai keri anga taimana maata roa atu i teianei ao, i te au mea manea e te tuke i ko i te Consumer Fair o Botswana. Kua akaari ratou i te au puka Pipiria, te website jw.org, e te au vitio tei akamaroiroi i te au pirianga ngutuare tangata.

Kua umere te au metua e te au tamariki tei atoro mai i te tuanga Kia Riro ei oa no Iehova, tei apii i te au kaveinga tau o te Pipiria. No te mea e iti ua te au vitio e vaira i te reo Setswana, te reo maata o Botswana, e maata te tangata tei ui mai akapeea e rauka ai ia ratou teia au vitio.

Pouroa te manuiri tei aere mai mei te au tuanga katoatoa o te enua, kua rauka ia ratou mei te 10,000 puka e e 120 tangata tei pati mai i te apii Pipiria i te kainga kare e tutaki. E manganui tei umere te kitea anga te Au Kite mei te putuputuanga reo Papaa e te reo Setswana e angaanga kapiti ra i teia ngai.

Te akara anga te manitia i te ngai akaariari anga a te Au Kite o Iehova, kua orongaia te re mua kia ratou.