Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Angaanga Uri Reo i Mexico e Central America

Angaanga Uri Reo i Mexico e Central America

I Mexico e Central America, mei tetai 290 aronga uri reo i roto i te ono enua tei uri i te au puka Pipiria ki roto i te 60 tuma reo. No teaa ra i raveia ai teia angaanga? No te mea me tu te tangata i te puka Pipiria i roto i to ratou uaorai reo, ka pakia to ratou ngakau.​—1 Korinetia 14:9.

Ei akameitaki atu i te angaanga uri reo, kua neke tetai aronga uri reo tei angaanga ana i ko i te opati Betela o te Au Kite o Iehova i Mexico City ki te au opati i te ngai e tuatuaia ra to ratou reo. Akapeea teia te tauturu anga? Ka aravei maata te aronga uri reo i te tangata tei tuatua i te reo i uriia ai te au puka, e ka tauturu ia matou i te uri i te au puka māmā ua i te mārama.

Eaa te manako o te aronga uri reo no teia tauianga? Karanga a Federico, e tangata uri reo Guerrero Nahuatl: “I te tai ngauru mataiti iaku i Mexico City, e tai rai ngutuare tangata taku i kite tei tuatua i toku reo. I teianei, i roto i te au oire i te pae mai i te opati uri reo, vaitata rai e tuatua ana te katoatoa i toku reo!”

Karanga a Karin, tei uri i te au puka ki roto i te reo Low German i ko i te opati i Chihuahua, i Mexico: “Te noo anga ki konei i rotopu i te iti tangata Mennonite, kua tauturu iaku kia kite akapeea te reo me tuatuaia i teianei. E noo ana matou e e angaanga ana i tetai oire meangiti e me akara au ki vao i te maramarama, kite au i te aronga ka puapingaia mei ta matou angaanga uri reo i konei.”

Karanga a Neyfi, te noo ra i te opati uri reo i Mérida, Mexico e: “Me rave matou i te au apii Pipiria i roto i te reo Maya, ka kite matou i te au tuatua kare e taka meitaki roa ana ki te iti tangata Maya. No reira i roto i ta matou angaanga uri reo, ka kimi ravenga matou i te uri i teia au tuatua kia tangi natura te reira.”

Puapinga ainei te aronga tei rauka te au puka tei uriia ki roto i to ratou reo? Akamanako ana e tai akaraanga: Mei tetai 40 mataiti, kua aere putuputu a Elena, tona reo tupuna e Tlapanec, ki te au uipaanga a te Au Kite o Iehova. Inara i te mea e kua raveia te au uipaanga i te reo Paniora, kare aia i mārama ana eaa te tuatuaia ra. “Kite ua au e kua inangaro au kia tae ki te au uipaanga,” i nana ai. Inara, te apii anga a Elena i te Pipiria ma te tauturu a te au poroutia i roto i te reo Tlapanec, kua tupu tona inangaro no te Atua, kua akatapu i tona oraanga kiaia e kua papetitoia i te mataiti 2013. Karanga a Elena, “Akameitaki au ia Iehova no tei akatika iaku kia mārama i te Pipiria.”

Apii Maata Atu

KOAI MA TE RAVE RA I TO IEHOVA ANOANO I TEIA TUATAU

Akapeea ta Matou Puka me Tataia e me Uriia?

Kua nenei matou i te au puka i roto i 700 reo. Eaa ra matou i tauta ai i te rave i teia?