Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Akamāmā Anga i Te Punanga Tiaki

Akamāmā Anga i Te Punanga Tiaki

Akamata anga ia Tiurai 2011, kua neneiia te tuanga māmā o Te Punanga Tiaki i te reo Papaa e kua tamataia e okotai mataiti. Teianei kua ope te reira mataiti, kua tukuia mai te tikaanga kia nenei ua atu i te tuanga māmā e kare e akamutuia.

Akamata anga ia Tianuare 2013, kua uriia te tuanga māmā ki roto i te reo Varani, Portuguese, e te reo Paniora.

Kua uriia te tuanga māmā ei tauturu i te aronga e aere ra ki te uipaanga a te au putuputuanga Papaa i ko i te Are Uipaanga Patireia, kare ra te reo Papaa i to ratou reo tupuna.

Mei te akamata anga mai, kua tataia te au reta akameitaki e manganui. Tetai no ko mai ia Rebeka e 64 ona mataiti, tei noo i Liberia e kare aia e aere ana ki te apii. Tata aia: “Te apii nei au i te tatau. Tetai taime me tatau au i Te Punanga Tiaki, kare au e mārama ana i te reira. E reka ana au i te tuanga māmā ua. Kua mārama au i te reira.

Te taangaanga nei te au metua i te tuanga māmā ei tauturu i ta ratou tamariki kia akapapa no te Apii Punanga Tiaki, tetai uipaanga na te Au Kite o Iehova.

Kua tata a Rosemary, tei utuutu e toru mokopuna tamaine e: “E āka angaanga i te apii i Te Punanga Tiaki ki te au tamaine. Kua taangaanga ua matou i te tikinari kia kite i te aiteanga o te au tuatua. Kua pou ua te taime i te mārama i te au tuatua o te atikara e kua ngaropoina te tamariki i te apiianga puapinga. I teia taime, ka akapou matou i te taime i te tatau i te au irava e te akara akapeea te reira i te turu anga i te apiianga.