Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Au Imene i Roto i te au Reo ke Ke

Au Imene i Roto i te au Reo ke Ke

E āka angaanga i te uri i tetai imene i roto i tetai reo ke. E mea ngata tikai i te uri i tetai puka imene e 135 imene.

Kua rave te Au Kite o Iehova i teia angaanga e i roto i te toru mataiti kua uri ratou i te puka imene pouroa, Imene Kia Iehova i roto i te 116 reo. Kapiti mai e 55 reo kua uriia tetai puka imene e 55 imene. E maata te au reo ke te uri nei i te puka imene.

Urianga e te Aʼtu Imene

Te uri nei te Au Kite o Iehova i te au puka Pipiria i roto i te 600 reo, e ka rauka mai e 400 reo i runga i ta matou website. Inara e mea ngata i te uri i te puka imene. No teaa ra? No te mea kare e taui te tangi anga o te imene no te Imene Kia Iehova, noatu ra ka taui te au tuatua o te imene me uriia ki roto i te au reo tukeke.

Kare te a’tu imene i aiteite ana ki te urianga i tetai makatini. Ei akaraanga, me uri te makatini Punanga Tiaki ki roto i tetai reo ke, ka tauta te aronga uri reo i te uri i te aiteanga pouroa o te tataanga mua ma te tau tikai. Inara e tuke akerai me uri i tetai imene.

Akapeea me Rave i te Reira

E ravenga ke ta te aronga a’tu imene ka aru no te mea ka anoanoia te au tuatua o te imene kia tangi reka, e te manea e te māmā ua i te mārama.

Ka anoanoia te au irava o tetai imene akapaapaa ei mea māmā ua no te aronga imene kia kite i te aiteanga e te akakoroanga o te au tuatua o te imene. I roto i te au reo katoa, ka anoanoia kia kapitiia te au tuatua e te imene ma te tau tikai e kia tangi reka, mei te mea rai ko te reira te tuatua a te tangata imene.

Akapeea te aronga uri reo i te itaeanga i teia akakoroanga? Kare ratou e uri i te au tuatua tataki tai o te au tuatua Papaa Imene Kia Iehova, mari ra kua ikuikuia te au pupu uri reo kia tata i te au tuatua ou kia mou mai te manako maata o te imene. Ka tauta te aronga uri reo i te aru vaitata i te manako o te Irava i roto i te au imene, e i taua taime rai ka taangaanga ratou i te au tuatua tei mātauia i to ratou reo e ka māmā ua i te mārama e te akamaara.

Te takainga mua koia kia uri i te au tuatua tataki tai o te imene Papaa. Aru mai, kua angaanga tetai Kite tei karape i te a’tu imene i te akariro i teia urianga ei tuatua taurekareka, e te aiteanga oonu no te imene i roto i te reo ou. Na te akamaara anga kia aru vaitata i te au Irava, ka akara akaou te pupu uri reo e te tangata kite meitaki i te reo i te angaanga a te a’tu imene.

Kua maeva te Au Kite o Iehova takapini i teianei ao te rauka anga mai te puka imene ou, e te tapapaia atu nei i roto i te au reo tukeke.

 

Apii Maata Atu

KOAI MA TE RAVE RA I TO IEHOVA ANOANO I TEIA TUATAU

Akapeea ta Matou Puka me Tataia e me Uriia?

Kua nenei matou i te au puka i roto i 750 reo. Eaa ra matou i tauta ai i te rave i teia?