Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Te au Pipiria no Tiapani Mai

Te au Pipiria no Tiapani Mai

Ei aruaru kia oti te au Pipiria vaî mārō e te vaî manea, kua akatu te Au Kite o Iehova i te matini vaî puka ou ki roto i to ratou ngai nenei anga i Ebina, Tiapani.

I te akamata anga, kua manata ratou no te ngaruerue enua e te tunami tei tupu i Tiapani ia Mati 11, 2011, e tei tamate i te uira.

Noatu ra, kua akamata te angaanga ia Tepetema 2011. Vaitata ki te toru marama i muri mai, kua nenei te matini ou i te au puka mua o te New World Translation i te reo Tinito.

E 400 mita te roa i teia matini. I te au pepa neneiia e neke ra na runga i tona ara, vaîia te reira, tapokiia, taomiia, akaputuia e kua tukuia ki roto i te au pia katini tapiriia e kua tukuia ki runga i te papaanga rakau.

Puapingaia Teia Ravenga no te Tauturu a te Katoatoa

No te parani meitaki anga e te angaanga taokotai i mako ei teia angaanga. Ei akaraanga, kua anoanoia kia tapokiia te au matini vaî e kia tukuia ki roto i te pia rakau, e oti kua tukuia ki roto i te vairanga e 34 na runga i te paī mei Europa ki Tiapani.

E tai ngauru mema o te opati Betela o te Au Kite o Iehova i Marike tei tere ki Tiapani i te tauturu i teia angaanga. Kua noo tetai pae mei te ono marama i te apiianga i te aronga angaanga i Tiapani kia taangaanga e kia akono i te au matini.

Kua rongoia teia au matini vaî e te aronga pitiniti i Tiapani no te vaî, te nenei, e te maani puka. Ia Mati 19, 2012, tere atu i te anere tangata mei teia au ngai pitiniti tei turoto i teia ngai. Kua umere tikai ratou.

I mua ake ka akaruke ei, kua oronga takitaiia tetai kopi o te New World Translation kia ratou, tei neneiia e te au matini ou.

Te kapiti maira te opati Betela i Tiapani ki te nga opati Betela i Marike e Brazil i te rave i te angaanga nenei o te au Pipiria vaî mārō na te Au Kite o Iehova i te ao katoa.

‘Ngata Atu te Angaanga ka Aru Mai’

Kua rekareka te Au Kite e te aronga kamupani o vao, i te angaanga kapiti ma te tauturu i tetai e tetai. Karanga tetai kare i te Kite e: “Mei toku kopu tangata rai kotou.

I te rā openga, karanga tetai akaou kare i te Kite e: “E ngata atu taku angaanga ka aru mai no te mea kare te reira e manea ana mei ta te Watchtower rai!