Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Akaitiia te au Kapi, Maata Atu te Reo

Akaitiia te au Kapi, Maata Atu te Reo

Akamata ia Tianuare 2013, kua akaitiia te numero o te au kapi o Te Punanga Tiaki te tuanga papuriki e te Awake! mei te 32 ki te 16 kapi.

No te mea kua akaitiia te au makatini, ka rauka i te au pupu uri reo i te uri i te reira i roto i te maata anga o te reo. Ei akaraanga, kua uriia te Awake! o Titema 2012 i roto i te 84 reo, e Te Punanga Tiaki o Titema 2012 e 195 reo. Inara ia Tianuare 2013, kua uriia te Awake! i roto i te 98 reo e Te Punanga Tiaki e 204 reo.

Ko te tuanga apii o Te Punanga Tiaki e 32 ona kapi.

Akaitiia te Kapi Neneiia—Akamaata Atu te Kapi i Runga i te Website

No te mea e iti ua te kapi o te au makatini, e rua mataara ka taui te reira ki ta matou website.

  1. Tetai au atikara tei tukuia ki roto i te au makatini i mua ana, ka tukuia ki runga i te website. Ei akaraanga, te au atikara “No ta Tatou au Mapu,” “Taku au Apii Pipiria,” e te Apii Gileada i roto i Te Punanga Tiaki tuanga papuriki, pera katoa te “Uriuri Anga na te Ngutuare,” e te “Ui te au Mapu E” i roto i te Awake! i teia taime ka tukuia ki runga i te website anake.

  2. Ka tukuia mai Te Punanga Tiaki e te Awake! na roto i tetai mataara ke i runga i te website. No tetai tuatau roa, kua tukuia Te Punanga Tiaki e te Awake! ei PDF i runga i te website www.jw.org. I teianei ka tukuia mai teia nga makatini ei HTML, e ka māmā ua i te kimi e te tatau i te reira i runga i te komupiuta me kore apinga apaipai. Ka rauka ia koe i te tatau i ta matou au puka ke, tei tukuia ki runga i te website i roto i te 400 reo.