Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Viviki Atu te Au Kite Tei Maki i te Meitaki Akaou

Viviki Atu te Au Kite Tei Maki i te Meitaki Akaou

AUTIRERIA: “Te aronga maki i roto i te are maki e Au Kite o Iehova—tei patoi i te pāmu toto no to ratou akarongo—e viviki atu kia meitaki i te aronga tei āriki i te reira,” i ripoti ei to Okotopa 2, 2012, The Sydney Morning Herald.

Te taiku ra teia ripoti i te Taote Kite ko James Isbister mei te Sydney Medical School, University o Sydney. “Karanga te tangata kite ko Isbister e kua orongaia te rapakauanga meitaki ki te Au Kite o Iehova e te au taote tei tauta i te akono i to ratou [to te Au Kite] toto. Tei tupu te maata anga o te taime kua ora mai ratou, kare i noo roa i roto i te are maki e te pia tumatetenga i to te aronga tei āriki i te pāmu toto i te tuatau vaʼi anga,” i ripoti ei te pepa.

Kare ko te Taote Isbister tei manako akapera ua ana. No runga i te Au Kite tei vaʼiia to ratou pukuatu, karanga te Archives of Internal Medicine, o Aukute 13-27, 2012 e: “E iti ua te au manamanata o te Au Kite e kare ratou e noo roa ana me akaaiteia ki te aronga tei āriki i te pāmu toto.”