Neke ki te tumu manako rikiriki

E MEA MAANIIA AINEI?

Te tu e Tāmā ei te Ro Carpenter i Tona Antenna

Te tu e Tāmā ei te Ro Carpenter i Tona Antenna

E puapinga tikai no tetai manumanu kia vai mā ua, i reira e rauka ai i te rere, e te kake aere, e kia papu tona ngai e aere ra. Tetai akaraanga, me repo te antennae (mei te nga tara rai) i runga i te katu o te ro, kare e rauka i te arataki iaia, e te komakoma ki te au ro, e kia ongi i te au mea tukeke. Kua akakite tetai zoologist ko Alexander Hackmann e “kare roa koe e kite i tetai manumanu kua repo, no te mea e tu kite to ratou kia vai mā ua.”

Kia akamanako: Kua rave a Hackmann e tona au oa angaanga i tetai kimikimi no runga i te ro, ko te carpenter ant (Camponotus rufifemur). Kua kite mai ratou me tāmā teia ro i tona nga antennae i runga i tona katu, ka na mua aia i te akamingi i tona vaevae mei te pakati rai te tu, ka taru i tona antenna ki roto e me uuti mai ki vao ka pururu mai te repo e mā ua atu te nga antenna. I roto i tona pakati e au uruuru tukeke to roto e te atea e te pipiri. Te au uruuru marokiakia e te atea nana e peru mai i te au potonga repo mamaata. Ko te au uruuru rikiriki kua aite rai ki tetai peru kutu, nana e peru mai i te au repo rikiriki. E te au uruuru rikiriki roa e te pipiri—me akaaite koe ki te atea o to tatou kata rouru, e atea roa te reira—nana e peru mai i te au repo rikiriki roa.

Akara mai i teia vitio no runga i tetai ro carpenter e tāmā ra i tona antennae

Te irinaki nei a Hackmann e tona au oa angaanga e ka meitaki te au opati maani apinga i te aru anga i te tu o teia ro. Tetai akaraanga, te au aronga e maani ana i te au apinga rikiriki electronic, me kore te microelectronic components e te semiconductors, kare ta ratou apinga e o ia e te repo, me tāmā ua i to ratou ngai angaanga.

Eaa toou manako: E mea tupu ua mai te tu e tāmā ei te ro carpenter i tona antenna? Me e mea maaniia ainei?