Neke ki te tumu manako rikiriki

Me tu Koe i te Maki Kare e Rapakauanga—Ka Tauturu Ainei te Pipiria?

Me tu Koe i te Maki Kare e Rapakauanga—Ka Tauturu Ainei te Pipiria?

Te pauanga a te Pipiria

Ae. Ka akono te Atua i tona au tavini maki. Karanga te Pipiria no tetai tavini tiratiratu e: “Na Iehova e akamaroiroi mai iaia i tona roi maki ra; e naau e eeu i tona roi katoa i te maki angaia.” (Salamo 41:3) Me kua tu koe i te maki kare ona rapakauanga, ka tauturu teia au takainga e toru ia koe kia akakoromaki:

  1. Pure no te maroiroi kia akakoromaki. Ka rauka mai “te au o te Atua, ko tei maata ua atu i te kite tangata,” na te reira e akamaru i toou manako apiapi e te akamaroiroi ia koe.​—Philipi 4:6, 7.

  2. Kia manako papu. Karanga te Pipiria: “E meitaki to te ngakau rekareka mei te vairakau ra: e marō ra te ivi i te ngakau taitaia.” (Maseli 17:22) E akatupu i te tu mataora e te kangakanga no te mea na teia e tauturu ia koe i te tuatau tumatetenga e ka akameitaki atu i toou oraanga kopapa.

  3. Akatupu i te manakonakoanga no te tuatau ki mua. Ka oronga mai te manakonakoanga mou i te rekareka noatu kare e rapakauanga no toou maki. (Roma 12:12) Te totou ra te Pipiria e a te tuatau ki mua: “Kare oki to reira e karanga e, Kua maki au.” (Isaia 33:24) Ka takore te Atua i te au maki kino tei kore i rauka te kite taieni o teia tuatau i te rapakau atu. Ei akaraanga, te akataka ra te Pipiria i te takore anga i te tu pakarikari e te ruaine i te na ko anga: “E maata oki te poria o tona ra kopapa i to te tamariki ra: e oki aia ki te au rā o tona ou anga ra.”​—Iobu 33:25.

Tetai akakiteanga: Noatu e ka oronga mai te Atua i te tauturu, ka kimi katoa te Au Kite o Iehova i tetai ravenga rapakau no te au maki kino. (Mareko 2:17) Inara, kare matou e māroia kia aru i tetai ua atu ravenga rapakauanga; irinaki ra matou e na te tangata e rave i tana uaorai ikianga no te rapakau maki.