Neke ki te tumu manako rikiriki

Au i te Enua—Akapeea te Reira e Tupu Ei?

Au i te Enua—Akapeea te Reira e Tupu Ei?

Te pauanga a te Pipiria

 Ka tupu te au i te enua nei, kare e na te tautaanga a te tangata, mari ra na roto i te Patireia o te Atua, e kavamani i te rangi ko Iesu Karaiti te tutara. Akara ana akapeea te Pipiria te apii anga mai ia tatou no teia manakonakoanga manea.

  1.   Ka “akakore [te Atua] i te tamaki e tae rava akenei ki te openga enua,” te akatupuanga i tana taputou ei akatupu i te “au ki te enua nei no te aronga tana e mareka ra!”—Salamo 46:9; Luka 2:14, Good News Translation.

  2.   Ka tutara te Patireia o te Atua i te rangi ki rungao i te enua nei. (Daniela 7:14) Ei kavamani, ka takore te reira i te akaepaepa anga enua, te tumu o te au tamaki.

  3.   Ko Iesu, te Tutara o te Patireia, kua tapaia ko “te Ariki no te au,” e ka akapapu mai aia e ‘kare e mutu te au.’—Isaia 9:5, 6.

  4.   Kare te au tangata te tauta ra i te patoi e akatikaia kia noo i raro ake i taua Patireia, no te mea ko “tei inangaro i te takinga-kino, kua riri roa [to te Atua] ngakau iaia.”—Salamo 11:5; Maseli 2:22.

  5.   Apii te Atua i tona iti tangata akapeea me noo au ua. Te akataka anga mai no runga i teia apiianga, karanga ra te Pipiria: “E tupaki oki ratou i ta ratou au koke ei auri arote, e ta ratou au korare ra, ei tipi tope ïa: kare tetai enua e tamaki mai ki tetai enua i te koke, kare oki ratou e apii akaou i te tamaki.”—Isaia 2:3, 4.

 E mirioni ua atu Au Kite o Iehova takapini i te ao te apiiia nei e te Atua akapeea me noo au ua. (Mataio 5:9) Noatu no roto mai tatou i te au iti tangata tukeke e te noo ra i roto i te au enua tukeke e 230, kare tatou e tamaki atu i to tatou taeake.

Te apii nei te Au Kite o Iehova kia noo au ua i teia tuatau