Saltar al contenido

Saltar al menú secundario

Taŋata haka ˈite o ruŋa o Iehoha

rapa nui

¿Pe hē koe e uˈi ena te ˈao pe muˈa ka oho ena?

¿Pe hē koe e uˈi ena te ˈao pe muˈa ka oho ena?

A koe e manaˈu ena te ˈao . . .

  • ¿Pe tū huru ˈā ka noho ena?

  • ¿He ata rake-rake?

  • ¿He riva-riva?

 TE MEˈE KĪ E TE PUKA O TE ˈATUA

“Te ˈAtua [...] he haroˈi i te matavai o te kōrua mata, te mate ˈina toe, ˈina he taŋi-taŋi, ˈina he mamāe, te meˈe o tuˈa ˈā ko mao ˈā.” (Apocalipsis [Revelación] 21:3, 4.)

TE HAUHAˈA MO ROVAˈA

He ŋaroˈa te ora o te aŋa ˈe e ko horiŋa ka aŋa era (Isaías 65:21-23).

E ko mamāe ˈe e ko maiūi haka ˈou (Isaías 25:8; 33:24).

He koa tahi ananake ko te tātou huaˈai, repahoa ki te hopeˈa raˈa (Salmo 37:11, 29).

¿HE PARAUTĪˈA MAU ˈĀ TE MEˈE KĪ E TE PUKA O TE ˈATUA?

E ē, i he tapa atu e rua parautīˈa:

  • E ai rō ˈā te pūai o te ˈAtua mo aŋa tahi taˈana meˈe e kī era. I ruŋa i te Puka o te ˈAtua i kī ai ko Iehoha nō te ˈAtua mana pūai, o te ai toˈona pūai ˈina he hopeˈa (Revelación 15:3). Ōira hora era e kī era he haˈariro te henua pahe kona riva-riva e tahi, he ˈite rō ai peira mau ˈā ka aŋa ena. Te Puka o te ˈAtua e kī ena ˈina e tahi meˈe mo taˈe aŋa e te ˈAtua (Mateo 19:26).

  • Te ˈAtua ko haŋa riva-riva ˈā mo aŋa taˈana meˈe kī era. Mo haˈauraˈa atu nei vānaŋa, te Puka o te ˈAtua e kī rō ˈā, ko pohe riva-riva a Iehoha mo haka ora haka ˈou te nuˈu era ko mate ˈā (Job 14:14, 15).

    Takoˈa e kī rō ˈā o ruŋa o Ietū, te poki o te ˈAtua, i haka ora rō i te nuˈu maiūi ¿o te aha i aŋa ai peira? O te ˈai ko rā meˈe taˈana meˈe haŋa (Marcos 1:40, 41). Te huru haka tere nei ko haka tikeˈa mai ˈā i te haŋa o toˈona matuˈa mo haˈūˈū ki te otare.

    ōira a tātou ko aŋi-aŋi riva-riva ˈā pe nei ē a Iehoha rāua ko Ietū ko haŋa riva-riva ˈā mo haˈūˈū mai mo koa o tātou ki te hopeˈa raˈa.

KA ˈUI ATU

¿He aha te meˈe ka aŋa ena te ˈAtua mo riro te ˈao he kona riva-riva?

He rovaˈa koe te pahono i ruŋa i te Puka o te ˈAtua i a MATEO 6:9, 10 e DANIEL 2:44.

 

 

MO ATA ‘ITE ‘O’OU

¡HE PARAU ˈĀPĪ RIVA-RIVA MAI TE ˈATUA MO TĀTOU!

¿He aha te meˈe haŋa o te ˈAtua mo te ˈAo nei?

Te Puka o te ˈAtua vānaŋa mai ena o te aha te ˈAtua i aŋa ai te ˈao, a hē ka ˈoti te mamāe e te taŋi-taŋi, he aha te meˈe ka aŋa ena i ruŋa i te ˈao e he aha te meˈe ka piri ena ki te taŋata ka noho era i ruŋa, pe muˈa ka oho ena.

¡HE PARAU ˈĀPĪ RIVA-RIVA MAI TE ˈATUA MO TĀTOU!

¿He aha te Haˈatere o te ˈAtua?

¿Ko ai te ariki o te haˈatere o te ˈAtua? ¿He aha te meˈe ka aŋa ena pe muˈa?