Saltar al contenido

Saltar al menú secundario

Taŋata haka ˈite o ruŋa o Iehoha

rapa nui

¿Pe he koe e uˈi ena i te Puka o te ˈAtua?

¿Pe he koe e uˈi ena i te Puka o te ˈAtua?

¿Pe hē koe ana kī . . .

  • he puka aŋa hai manaˈu taŋata?

  • he rauhuru ˈaˈamu tuai?

  • he vānaŋa o te ˈAtua?

 TE MEˈE KĪ E TE PUKA O TE ˈATUA

Te meˈe taˈatoˈa papaˈi i ruŋa i te Puka o te ˈAtua he roŋo o te ˈAtua (2 Timoteo 3:16).

TE HAUHAˈA MO ROVAˈA

He pahono hai parautīˈa ki te ˈui nui-nui o te taŋata  (Proverbios 2:1-5).

He haka tere titika i a koe paurō te mahana (Salmo 119:105).

He raveˈa riva-riva pe muˈa ka oho ena  (Romanos 15:4).

¿HE PARAUTĪˈA MAU ˈĀ TE MEˈE KĪ E TE PUKA O TE ˈATUA?

E ē, i he tapa atu e toru parautīˈa:

  • ˈIna e tahi ˈaˈana vānaŋa mo hape.  Hoˈe tautini ono hanere matahiti i papaˈi i oho mai ai te Puka o te ˈAtua e te 40 taŋata. E rā ŋā nuˈu papaˈi era i nei puka ˈina kai mahani i a rāua, no atu nei meˈe, te Puka o te ˈAtua ˈina he hape ˈe e tahi no tumu manaˈu.

  • Te taŋata papaˈi era i nei puka ˈina kai naˈa e tahi meˈe.  Te taŋata papaˈi i te ˈaˈamu tuai o te rauhuru kaiŋa, he meˈe riva-riva nō te meˈe papaˈi, te meˈe rake-rake he naˈa. E te nuˈu papaˈi era i te Puka o te ˈAtua, ˈina kai naˈa i te rāua hape e i te hape o te rāua kaiŋa hora papaˈi era i nei puka (2 Crónicas 36:15, 16; Salmo 51:1-4).

  • Te meˈe kī e te Puka o te ˈAtua ˈina kai hape i muˈa ˈā ˈe e ko hape pe muˈa ka oho ena.  Ko kī era ˈā e te Puka o te ˈAtua 200 matahiti a tuˈa pe nei ē he haka kore a Babilonia (Isaías 13:17-22). E i kī takoˈa rō pe hē ka haka kore era, e maˈai e haka kore (Isaías 45:1-3).

    E te tahi meˈe kī e te Puka o te ˈAtua ko haka tano tahi ana ki ruŋa i te hau, ˈina e tahi meˈe i hape. ¿Taˈe ko te meˈe nei te meˈe haŋa o tātou mo rovaˈa, mai ruŋa i te Puka o te ˈAtua? (2 Pedro 1:21).

KA ˈUI ATU

¿Pe hē te Puka o te ˈAtua ana haˈūˈū mai?

He rovaˈa koe te pahono i ruŋa i te Puka o te ˈAtua i a ISAÍAS 48:17, 18 e 2 TIMOTEO 3:16, 17.