Saltar al contenido

Saltar al menú secundario

Taŋata haka ˈite o ruŋa o Iehoha

rapa nui

¿E riva mau rō te taŋata ko mate ˈā mo ora haka ˈou?

¿E riva mau rō te taŋata ko mate ˈā mo ora haka ˈou?

¿Pe hē ki taˈa kī . . .

  • e ē?

  • ˈina?

  • peaha?

 TE MEˈE KĪ E TE PUKA O TE ˈATUA

He haka ora haka ˈou i te nuˈu mate (Hechos 24:15).

TE HAUHAˈA MO ROVAˈA

No atu te rahi o te mamāe he rovaˈa koe i te haumaru ka mate ena te huaˈai here ˈa ˈau (2 Corintios 1:3, 4).

He kore tahi tū riˈa-riˈa o ruŋa i te mate (Hebreos 2:15).

Te piri haka ˈou ki taˈa nuˈu here ko mate ˈā, he ˈite koe he parautīˈa mau ˈā (Juan 5:28, 29).

¿HE PARAUTĪˈA MAU ˈĀ TE MEˈE KĪ E TE PUKA O TE ˈATUA?

E ē, i he tapa atu e toru parautīˈa:

  • Te ˈAtua i aŋa te meˈe ora taˈatoˈa. Te Puka o te ˈAtua e kī rō ˈā mai i a Iehoha te ora iŋa taˈatoˈa e oho mai era (Salmo 36:9; Hechos 17:24, 25). Mo ai ˈaˈana i vaˈai te ora ki te meˈe taˈatoˈa e riva nō mo haka ora i te nuˈu ko mate ˈā.

  • Te ˈAtua i haka ora haka ˈou rō i te nuˈu mate o muˈa ˈā. E vaˈu nuˈu o muˈa ˈā —ŋā poki, taŋata, viˈe, nuˈu paˈari— i haka ora haka ˈou rō i ruŋa i te henua. Kē nuˈu i mate iho nō ˈe e tahi o rā ŋā nuˈu ka hā mahana o te mate (Juan 11:39 - 44).

  • Ko pohe riva-riva ˈā te ˈAtua mo haka ora haka ˈou i te nuˈu ko mate ˈā. He enemī mau o te ˈAtua te mate e mo ˈona te mate he toˈa e tahi (1 Corintios 15:26). Te ˈAtua ko haŋa riva-riva ˈā mo haka kore i te toˈa nei e he aŋa peira ka haka ora haka ˈou era i te nuˈu ko mate ˈā. Ko haŋa takoˈa ˈā mo ora haka ˈou i ruŋa i te henua te ŋā nuˈu noho era i roto i toˈona manaˈu (Job 14:14, 15).

KA ˈUI ATU

¿O te aha tātou e korohuˈa ˈe e mate nei?

He rovaˈa koe i te pahono ki te ˈui nei i ruŋa i te Puka o te ˈAtua, i a GÉNESIS 3:17-19 e ROMANOS 5:12.