Saltar al contenido

Saltar al menú secundario

Taŋata haka ˈite o ruŋa o Iehoha

rapa nui

¿ˈA ˈai mau te haka tere te ˈao i te hora nei?

¿ˈA ˈai mau te haka tere te ˈao i te hora nei?

¿Pe hē ki taˈa kī

  • he ˈAtua?

  • he taŋata?

  • kope haka ˈou e tahi?

 TE MEˈE KĪ E TE PUKA O TE ˈATUA

“Te ˈao taˈatoˈa nā i ruŋa i te rima o te kope hopeˈa o te rake-rake.” (1 Juan 5:19.)

Te poki o te ˈAtua ko oho mai ˈā mo haka kore te aŋa rake-rake o te Tatāne (1 Juan 3:8).

TE HAUHAˈA MO ROVAˈA

He aŋi-aŋi i te tumu mau o te ˈati e tere nei i ruŋa i te ˈao (Revelación [Apocalipsis] 12:12).

He ai te raveˈa mo tiaki ki te ˈao riva-riva e tahi (1 Juan 2:17).

¿HE PARAUTĪˈA MAU ˈĀ TE MEˈE KĪ E TE PUKA O TE ˈATUA?

E ē, i he tapa atu e toru parautīˈa:

  • Te haˈatere o te Tatāne nā he haka kore. A Iehoha ko haŋa riva-riva ˈā mo haka kore te haka tere o te Tatāne mai ruŋa i te ˈao. Takoˈa ko kī ˈā nā he haka kore i te Tatāne e he haka ˈāpī haka ˈou i te meˈe rake-rake aŋa era e īa. (Hebreos 2:14).

  • Ko Ietū te ariki vae e te ˈAtua. A Ietū e topa kē nō ˈā toˈona huru mai te huru rake-rake e amahiŋo o te kope haka tere i te ˈao i aŋanirā. Nā te ˈAtua ko kī mai ˈā o ruŋa o te haˈatere o Ietū: He haka aroha i te otare e i te veve. He hapaˈo te rāua ora iŋa mai te nuˈu rake-rake haŋa mo totoˈā i a rāua (Salmo 72:13, 14).

  • Te ˈAtua e ko reo-reo ki te hora hopeˈa. Te Puka o te ˈAtua e kī rō ˈā taˈe mai te ˈAtua te reo-reo (Hebreos 6:18). Ōira mo kī a Iehoha e tahi meˈe, he ˈite rō ˈai koe peira mau ˈā (Isaías 55:10, 11). E kī era e Īa he tute i te Tatāne mai te ˈao, peira mau ˈā ka aŋa ena (Juan 12:31).

KA ˈUI ATU

¿Pe hē ka riro ena te ˈao hora ena ka hiko ena mai te rima o te Tatāne?

He rovaˈa koe te pahono i ruŋa i te Puka o te ˈAtua i a SALMO 37:10, 11 e REVELACIÓN 21:3, 4.