Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

Mo hāpī ki taˈa ŋā poki

 KAU 4

He uka e tahi haka koa i a Iehoha e i toˈona matuˈa

He uka e tahi haka koa i a Iehoha e i toˈona matuˈa

¿He aha te meˈe e kī nei e Jefté ki a Iehoha?

No atu toˈona mamāe i aŋa rō tū poki era a Jefté tū meˈe kī era toˈona matuˈa

¿E tikeˈa rō ˈā koe i te poki vahine i ruŋa i te hohoˈa?... A īa he poki a Jefté e toˈona ˈīŋoa ˈina he eˈa i ruŋa i te Puka o te ˈAtua. A īa ko haka koa ˈā i a Iehoha e i toˈona matuˈa tane. ¿Haŋa rō koe mo ata aŋi-aŋi o ruŋa i a Jefté e o ruŋa i taˈana poki vahine?

A Jefté he taŋata riva. Taˈana meˈe haŋa he hāpī ki taˈana poki o ruŋa o Iehoha. A īa he taŋata pūai, haka kē, maramarama mo haka tere i te taŋata. Oīra te Israelita i nonoˈi ai mo puˈoko i a rāua mo te tamaˈi.

He pure e Jefté ki a Iehoha mo haˈūˈū mo rē i te tamaˈi. E he kī mo rē ˈoˈona, he vaˈai e īa i te taŋata raˈe ka eˈa mai era mai toˈona hare mo aroha ki a īa. Te taŋata raˈe ka eˈa mai ena, he noho he aŋa i roto i te  karapā o Iehoha ki toˈona mate iŋa. Te karapā o Iehoha he kona e tahi e oho era te taŋata mo pure ki te ˈAtua. I oho era, he rē a Jefté i te tamaˈi. ¿Haŋa rō koe mo ˈite ko ai te meˈe raˈe i eˈa ki a īa mo aroha?...

¡Ko tū poki era ˈaˈana i eˈa raˈe ai! He ˈoti mau ˈā te poki a Jefté. He mamāe toˈona mahatu o te vaˈai i taˈana poki mo oho ki tū karapā era, mo aŋa tū vānaŋa kī era ki a Iehoha. He kī ia e tū poki vahine era: “E koro, mo ai ko kī ˈā koe i taˈa vānaŋa ki a Iehoha, e aŋa koe peira”.

Paurō te matahiti te repahoa o te poki era a Jefté e oho era ki a īa uˈi

I mamāe takoˈa rō tū poki vahine era. I te meˈe era ka noho era i te karapā, ˈina e ko riva mo haīpoīpo e mo ai taˈana ŋā poki. Ko haŋa ˈā īa mo aŋa i te meˈe kī era e toˈona matuˈa tane e takoˈa, ko haŋa ˈā mo haka koa i a Iehoha. Moˈona ata nui-nui rā aŋa ki te haīpoīpo e ki te ai te ŋā poki. Oīra i haka rē ai toˈona hare e he oho he noho rō ai i tū karapā era, ki toˈona mate iŋa.

¿I haka koa rō e īa i a Iehoha e i toˈona matuˈa tane?... E ē, i aŋa rō peira. Mo ai e here ˈe e haka roŋo rō ˈā koe ki a Iehoha e riva nō koe mo tuˈu pahe poki era a Jefté. Mo aŋa koe peira, he haka koa koe i a Iehoha e peira ˈā ki tuˈu matuˈa.

MAI KI TAIˈO I RUŊA I TE PUKA O TE ˈATUA:

  • Deuteronomio 6:4-6

  • Jueces 11:30-40

  • 1 Corintios 7:32-34