Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

Mo hāpī ki taˈa ŋā poki

 KAU 14

E tahi ariki ka ariki mai ena i te henua taˈatoˈa

E tahi ariki ka ariki mai ena i te henua taˈatoˈa

¿Ko ˈite ˈā koe o ruŋa i ariki hē e vānaŋa atu ena?... O ruŋa i te ariki vaˈai mai era e te ˈAtua, e mo te ariki nei e aŋa mo riro te ˈao taˈatoˈa pahe henua nehe-nehe e tahi. ¿Haŋa rō koe mo ata ˈite o ruŋa o nei ariki?...

Taˈatoˈa ariki e hapaˈo rō ˈā i te taŋata o toˈona kona. ¿Ko ˈite ˈā koe ko ai te ariki ka vaˈai mai ena e te ˈAtua?... ¡Ko Ietū! A īa e noho ena i ruŋa i te raŋi. ˈIna he hora toe, maˈana e ariki i te taŋata o te ˈao taˈatoˈa. ¿E koa rō tātou ka ariki mai era e Ietū i te ˈao taˈatoˈa?...

¿He aha taˈa meˈe haŋa mo aŋa i ruŋa i te henua nehe-nehe?

He koa tahi tātou i ruŋa i te henua nehe-nehe, te taŋata e ko moto ˈe e ko tamaˈi haka ˈou. He here tahi ki a rāua, ˈina e ko maiūi haka ˈou. Te mata keva he tikeˈa, te tariŋa pō he haka roŋo, e te taŋata taˈe haˈere, he tahuti e he rere-rere. Takoˈa he ai te rahi o te kai mo kai. Te manu tere henua e ko moto haka ˈou ki a rāua ˈā, e he riva mo kori i muri i te taŋata. Te taŋata ko mate ˈā, he ora haka ˈou. Te ŋā viˈe, e te taŋata i hāpī ai e koe i ruŋa i te puka iti-iti nei pē Rebeka, Rahab, Tavita, e a Elias, he ora haka ˈou. ¿Haŋa rō koe mo mahani ki a rāua, i te hora ka ora haka ˈou mai ena?...

 A Iehoha e here rahi rō ˈā ki a koe e ko haŋa ˈā mo koa rahi ˈoˈou. Mo hāpī mo oho koe o ruŋa o Iehoha e mo haka roŋo ki a Īa, he riva koe mo ora mo oho rō ai i ruŋa i te henua nehe-nehe. ¿Haŋa rō koe mo noho i rā kona?...

MAI KI TAIˈO I RUŊA I TE PUKA O TE ˈATUA:

  • Isaías 2:4; 11:6-9; 25:8; 33:24; 35:5, 6

  • Juan 5:28, 29; 17:3