Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

Mo hāpī ki taˈa ŋā poki

 KAU 13

Te meˈe haŋa a Timoteo he haˈūˈū ki te taŋata

Te meˈe haŋa a Timoteo he haˈūˈū ki te taŋata

A Timoteo he taŋa ˈāpī e tahi e he koa nō te meˈe ŋaroˈa hora haˈūˈū era ki te tahi. Kona rahi te kona ˈaˈana i oho mo haˈūˈū ki te taŋata, oīra he koa nō te meˈe i piri ki a īa. ¿Haŋa rō koe mo ˈaˈamu atu o ruŋa i a īa?...

Te matuˈa vahine e te mamarūau o Timoteo i hāpī rō ki a īa o ruŋa o Iehoha

A Timoteo i nui-nui i oho ai i te kona e tahi te ˈīŋoa ko Listra. Mai toˈona iti-iti haŋa ˈā, toˈona matuˈa vahine te ˈīŋoa ko Eunice e toˈona mamarūau ko Loida, i vānaŋa ai ki a Timoteo o ruŋa o Iehoha. Oīra e poki nō ˈā Timoteo, i pohe ai mo haˈūˈū ki te taŋata mo ˈite o rāua o ruŋa i a Iehoha.

Hora era e taŋa ˈāpī nō ˈā Timoteo, he kī e Pablo: “I au he oho he vānaŋa o ruŋa i a Iehoha i te tahi kona. ¿Haŋa rō koe mo oho tāua?”. He koa a Timoteo e he kī: “¡E ē, ko haŋa ˈā au!”. O te ai taˈana meˈe haŋa he haˈūˈū ki te taŋata.

 He oho i muri i a Pablo ki Tesalónica, kona e tahi o te henua era ko Grecia. Aŋa riˈa-riˈa mo tuˈu ki ˈira, e haˈere e oho e ki ˈoti e eke ki ruŋa i te pahī. Ki tuˈu ki rā kona, rahi nō te taŋata i haˈūˈū e rāua mo aŋi-aŋi o ruŋa i a Iehoha. E i ai rō te taŋata takoˈa i riri rahi rō mo rāua e i haŋa rō mo aŋa i te meˈe rake-rake i ruŋa i a rāua. Oīra a Pablo rāua ko Timoteo i oho ai ki te tahi kona, mo vānaŋa o ruŋa i a Iehoha.

He koa nō te meˈe i piri ki a Timoteo

I tano era te avaˈe a Pablo he nonoˈi ki a Timoteo mo hoki ˈoˈona ki Tesalónica. Ko haŋa ˈā mo ˈite pe hē te taina o rā kona e noho era. Te ˈati i Tesalónica rahi nō te taŋata e aŋa era i te meˈe rake-rake ki te taina. Oīra ˈina Timoteo ko riˈa-riˈa mo hoki ki rā kona. A īa ko haŋa ˈā mo oho o te ai ko tipa-tipa ˈā te manaˈu o ruŋa i te ŋā taina era o rā kona. I hoki mai era mai rā kona he parau ˈāpī riva-riva taˈana meˈe i maˈu ki a Pablo. ¡Te taina o Tesalónica ko te aŋa haŋa ˈā mo Iehoha!

Rahi nō te matahiti a Timoteo i aŋa ai mo Iehoha i muri i a Pablo. Oīra a Pablo i papaˈi ai o ruŋa i a īa: “I au he uŋa atu i a Timoteo mo haˈūˈū ki te taina. Kai piri mai ˈā e tahi kope tuˈu pe īa. A īa e here rō ˈā ki a Iehoha e peira ˈā ki te taŋata”.

¿E here rō ˈā koe ki te taŋata ˈe e haŋa rō koe mo haˈūˈū ki a rāua mo ˈite o ruŋa o Iehoha?... Mo ai peira e riva nō koe mo koa, e mo piri atu te meˈe riva-riva pe Timoteo ˈā.

MAI KI TAIˈO I RUŊA I TE PUKA O TE ˈATUA:

  • 2 Timoteo 1:5; 3:15

  • Hechos 16:1- 5; 17:1-10

  • 1 Tesalonicenses 3:2-7

  • Filipenses 2:19-22