Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

Mo hāpī ki taˈa ŋā poki

 KAU 2

Te meˈe haŋa a Rebeka he haka koa i a Iehoha

Te meˈe haŋa a Rebeka he haka koa i a Iehoha

A Rebeka he viˈe e tahi, here ki a Iehoha. Ko haīpoīpo ˈā ki a Itaˈata, e a īa nei e here takoˈa rō ˈā ki a Iehoha. ¿Pe hē a rāua i mahani ai? ¿He aha te meˈe a Rebeka i aŋa mo haka koa i a Iehoha? Mai ki hāpī tātou o ruŋa i te ˈaˈamu o Rebeka.

Pe nei te ˈaˈamu i haˈamata ai. Te ˈīŋoa o te ŋā matuˈa era o Itaˈata ko Abrahán e ko Sara. A Abrahán ko haŋa ˈā mo haīpoīpo taˈana poki ki te viˈe here ki a Iehoha. A rāua e noho era i Canaán, e te taŋata o ˈira ˈina he here e ˈina he haka roŋo ki a Iehoha. Oīra i uŋa ai i taˈana taŋata aŋa, koite ko Eliezer, ki Harán. I ˈira e noho era te huaˈai o Abrahán ˈe e riva nō a Eliezer mo ravaˈa te viˈe riva mo haīpoīpo ki a Itaˈata.

Aŋa riˈa-riˈa i aŋa ai a Rebeka mo haka unu hai vai ki te camello

Roa-roa rahi te ara i haˈere ai e Eliezer ko ia ko te tahi taŋata aŋa a Abrahán, a rāua e maˈu rō ˈā hoˈe ahuru camello, takoˈa te rahi o te kai e te rahi o te mahīa. ¿Pe hē ka ravaˈa era e Eliezer i te viˈe tano ma Itaˈata? Taˈana meˈe aŋi-aŋi, te ŋā viˈe o rā kona e oho rō ˈā e toˈo rō ˈā te vai mai roto i te puna vai e tahi. He turu ananake ki te kona i ˈira te puna vai. E i turu era he pure a Eliezer ki a Iehoha e he kī: “Mo te uka ka nonoˈi era au hai vai e mo vaˈai mai ki a au e takoˈa ki te mātou camello, he aŋi-aŋi rō ai e au, ko īa te viˈe vae era e koe mo haīpoīpo ki a Itaˈata”.

I hini era he tuˈu a Rebeka ki rā puna. Te Puka o te ˈAtua e kī era a īa he uka nehe-nehe e tahi. He nonoˈi e Eliezer hai vai e he pahono e īa: “Tano ˈā. I au he vaˈai atu hai vai maˈau  e mo taˈa camello takoˈa”. Rahi no te vai e unu era e te camello, ōira rahi no te vai a Rebeka e toˈo mai era mai roto o te puna, mo haka unu i rā ŋā camello. ¡Ko rā e ko nei e oho era a īa! Ka uˈi rā koe i te hohoˈa o te kaka parau era o tuˈa. ¿He aha te meˈe era a Rebeka e aŋa mai era?... I tikeˈa era e Eliezer i te rahi o te aŋa o Rebeka, he veveri e he aŋi-aŋi rō ai: ¡Ko pahono ˈā Iehoha i taˈana pure!

He mahīa e Eliezer te rauhuru meˈe tau ki a Rebeka. E he kī a Rebeka mo oho ananake ki te hare o toˈona huaˈai. He haka aŋi-aŋi e Eliezer ki te huaˈai o te aha a Abrahán i uŋa ai i a īa ki ˈira. He ˈaˈamu takoˈa pe hē a Iehoha i pahono ai i taˈana pure. I ŋaroˈa era te huaˈai o Rebeka i te meˈe nei, he koa ananake e he kī ko tano ˈā ki a rāua, mo haīpoīpo o Rebeka ki a Itaˈata.

Ko oho ˈā Rebeka i muri i a Eliezer ki Canaán mo haīpoīpo ki a Itaˈata

¿I haŋa rō a Rebeka mo haīpoīpo ki a Itaˈata?... I ˈui era e toˈona huaˈai ana ai ko haŋa ˈā a īa mo haīpoīpo, he pahono e īa ko haŋa ˈā. ¿O te aha i pahono ai peira? O te ai a Rebeka ko aŋi-aŋi ˈā a Iehoha i uŋa i a Eliezer. Oīra i oho ai i muri i a īa ki Canaán, e i tuˈu era ki ˈira, he haīpoīpo ki a Itaˈata.

O te haka roŋo o Rebeka ki a Iehoha i hapaˈo riva-riva ai e Īa. E takoˈa he haˈatiˈa e Iehoha mo riro Rebeka he tupuna o Ietū. Mo haka roŋo ˈoˈou ki a Iehoha pē Rebeka ˈā, he haka koa koe i a Īa, e he hapaˈo atu i a koe.

MAI KI TAIˈO I RUŊA I TE PUKA O TE ˈATUA:

  • Génesis 12:4, 5; 24:1-58, 67