Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

Mo hāpī ki taˈa ŋā poki

 KAU 11

A rāua ko papaˈi ˈā o ruŋa o Ietū

A rāua ko papaˈi ˈā o ruŋa o Ietū

¿E tikeˈa rō ˈā koe te taŋata o ruŋa i te hohoˈa?... A rāua ko Mateo, Marko, Luka, Iovani, Petero, Juda e ko Pablo. Te ŋā taŋata nei, i noho rō i te taˈu era o Ietū i ruŋa i te henua. E a rāua ko papaˈi ˈā o ruŋa i a īa. Mai ki hāpī o ruŋa i a rāua.

¿Ko ai te ŋā taŋata nei?

E toru o nei taŋata he repahoa o Ietū. I muri i a īa e eˈa era e vānaŋa era o ruŋa i te ˈAtua. Te rāua ˈīŋoa ko Mateo, Iovani e ko Petero. ¿Ka haka tikeˈa mai rā koe i ruŋa i te hohoˈa?... A Mateo rāua ko Iovani, e aŋi-aŋi riva-riva rō ˈā i a Ietū, e ko  papaˈi ˈā i te rāua puka o ruŋa i te noho iŋa o Ietū i ruŋa i te henua. A Iovani ko papaˈi takoˈa ˈā i te puka te ˈīŋoa ko Revelación, ˈe e toru parau papaˈi te ˈīŋoa ko: raˈe o Iovani, rua o Iovani e toru o Iovani. A Petero i papaˈi rō e rua parau papaˈi te ˈīŋoa ko raˈe o Petero e rua o Petero. E nā i ruŋa i te Puka o te ˈAtua takoˈa. I te parau papaˈi a Petero ko papaˈi ˈā o ruŋa i te hora vānaŋa mai era e Iehoha mai ruŋa i te raŋi, i kī era o ruŋa o Ietū: “He poki ˈaˈaku nei, he haŋa rahi ˈaˈaku e ko rahi ˈā toˈoku koa i a īa”.

Te tahi taŋata ena o ruŋa i te hohoˈa e hāpī takoˈa rō mai ˈā o ruŋa o Ietū i ruŋa i te ŋā puka papaˈi era e rāua. E tahi o rā ŋā taŋata ko Marko te ˈīŋoa. Pahe meˈe ena i muri i a Ietū a īa hora ˈaˈaru era mo maˈu mo puru i a Ietū. Te kope haka ˈou i papaˈi ko Luka, a īa he taote, e ki mate a Ietū i riro iho ai a īa he taŋata aŋa ˈaˈana.

E rua taina iti-iti o Ietū i papaˈi takoˈa rō i te Puka o te ˈAtua. ¿Ko ˈite ˈā koe ko ai te rāua ˈīŋoa?... Ko Santiago e ko Juda. Hora raˈe era a rāua ˈina he haŋa mo haka roŋo te meˈe hāpī era e Ietū, pe nei e manaˈu era ko maˈa-maˈa ˈā a īa. I tano era te matahiti he riro a rāua he taŋata aŋa a Ietū.

Te kope e tikeˈa ena koe i vaˈeŋa o te hohoˈa ko Pablo. Ko Saulo toˈona ˈīŋoa, raˈe ki te riro he taŋata aŋa a Ietū. He riri mau ˈaˈana te taŋata aŋa a Ietū e he meˈe rake-rake nō te meˈe aŋa ki a rāua. ¿Ko ˈite ˈā koe pe hē a Pablo i riro ai he taŋata aŋa a Ietū?... E tahi mahana e oho a īa a te ara, i hini era he ŋaroˈa te reˈo e tahi mai ruŋa i te raŋi vānaŋa ki a īa. Ko Ietū rā meˈe, he ˈui ki a īa: “¿He aha koe e aŋa ena i te meˈe rake-rake ki te taŋata haka roŋo mai ki a au?”. I piri era te meˈe nei ki a Pablo, he huri toˈona huru haka tere e he riro he taŋata aŋa a Ietū. A Pablo ko papaˈi ˈā 14 puka iti-iti i ruŋa i te Puka o te ˈAtua, mai a Romano ki a Hebreo.

¿I ŋaroˈa rō koe e tahi ˈaˈamu toˈo mai ruŋa i te Puka o te ˈAtua?... I ruŋa rahi nō te ˈaˈamu o Ietū e eˈa era. Te meˈe hopeˈa o te riva-riva mo aŋa ˈoˈou, e hāpī e oho o ruŋa i a īa. ¿Haŋa rō koe mo aŋa peira?...

MAI KI TAIˈO I RUŊA I TE PUKA O TE ˈATUA:

  • 2 Pedro 1:16-18

  • Marcos 3:21; 14:51

  • Judas 1

  • Hechos 9:1-18