Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 13

¿He aha te parau ˈāpī riva-riva o ruŋa i te rauhuru hare pure?

¿He aha te parau ˈāpī riva-riva o ruŋa i te rauhuru hare pure?

1. ¿E haka tere titīka rō ˈā te hare pure taˈatoˈa?

Ko rahi ˈā te meˈe rake-rake aŋa e te pūˈoko haka tere o te rauhuru hare pure, peaha ko ŋaroˈa ˈā e ko tikeˈa ˈā e koe pe nei ē, e teki rō ˈā te ŋā poki riki-riki, e haˈamoˈa rō ˈā i te tamaˈi, ˈe e tiŋaˈi rō ˈā i te taŋata (2 Corintios 4:3, 4; 11:13-15). No atu nei meˈe, i roto i te hare pure taˈatoˈa e ai rō ˈā te taŋata e mamāe rō ˈā te rāua mahatu, o te uˈi te ŋā aŋa rake-rake nei, o te ai ko haŋa ˈā mo aŋa te meˈe riva-riva. Te ˈAtua e tapa rō ˈā ki te taŋata haka tere peira, e te meˈe nei mo noho ˈoˈou mo uˈi, he parau ˈāpī riva-riva mo tātou.E taiˈo Mateo 24:3-5, 11, 12.

Te hare pure parautīˈa e vānaŋa riva-riva rō ˈā o ruŋa o Iehoha, e te hare pure taˈe parautīˈa he enemī mau ˈaˈana. ¿O te aha? O te hāpī i te reo-reo o ruŋa i a Īa, o te hāpī i te manaˈu taˈe kī e te Puka o te ˈAtua, pahe hāpī ena o ruŋa i te nuˈu era ko mate ˈā. A Iehoha ko haŋa ˈā mo ˈite te taŋata te parautīˈa mau o ruŋa i a Īa.E taiˈo Ezequiel 18:4;1 Timoteo 2:3-5.

2. ¿He aha te parau ˈāpī riva-riva o ruŋa i te rauhuru hare pure?

E aŋi-aŋi nō ˈā e te ˈAtua i te reo-reo o te pukuraŋa e kī ena, e here rō ˈā rāua ki te ˈAtua, e te parautīˈa, ki te ˈAo o te Tatāne rāua e here ena (Santiago 4:4). Te Puka o te ˈAtua e kī rō ˈā, i oti era te aˈa ˈua i te hora era o Noé, te hare pure taˈe parautīˈa i haˈamata ai, i te kona tuai e tahi o muˈa ˈā, toˈona ˈīŋoa ko Babilonia. Te meˈe aŋa ananake he haka mira-mira rahi i te manaˈu o te taŋata. E noho nō ˈā tātou ka haka kore ena e te ˈAtua, i te hare pure taˈe parautīˈa, o te rave ˈino e o te reo-reo rahi ki te taŋata.E taiˈo Revelación 17:1, 2, 5, 16, 17; 18:8.

A Iehoha e tapa rō ˈā te taŋata riva, e maraŋa mai ena i te rauhuru hare pure taˈe parautīˈa o te ˈAo taˈatoˈa, e nā e haka taka-taka e oho mai ena. ¿Pe hē e aŋa ena? Hai hāpī te parautīˈa o ruŋa i te Puka o te ˈAtua.E taiˈo Miqueas 4:2, 5.

Te hare pure parautīˈa he haˈūˈū mo piri te pukuraŋa parautīˈa i roto i a rāua ˈā

 3. ¿He aha te meˈe mo aŋa te nuˈu mahatu riva?

A Iehoha e uˈi rō ˈā ki te taŋata here ki te parautīˈa e haŋa mo aŋa i te meˈe riva-riva, ōira e haka vevēri ena mo haka rē te hare pure taˈe parautīˈa. Mo ai a rāua e here rō ˈā hai parautīˈa ki a Iehoha, he huri i te rāua huru haka tere mo haka koa i a Īa.E taiˈo Revelación 18:4.

I te taˈu raˈe o muˈa ˈā, rahi nō te nuˈu mahatu riva i pahono ai hai koa, ki te parau ˈāpī riva-riva tatāra era e te pukuraŋa o Ietū. Ko hāpī ˈā e Iehoha i te huru haka tere ˈāpī mo rovaˈa i te koa mau. Pe rāua ˈā a tātou ana pahono ki te parau ˈāpī riva-riva o te Puka o te ˈAtua, hai aŋa i te meˈe haŋa o te ˈAtua raˈe ki te tahi meˈe.E taiˈo 1 Tesalonicenses 1:8, 9; 2:13.

A Iehoha ko mataki ˈā toˈona rima ki te nuˈu haka rē i te hare pure taˈe parautīˈa, mo riro he nunaˈa ˈaˈana. Taˈatoˈa nei nuˈu he riro he ŋaruhoa ˈoˈona, he rovaˈa te here o te taˈatoˈa pukuraŋa o te ˈAtua, e takoˈa he ai te raveˈa mo ora ki te hopeˈa raˈa. ¿Haŋa rō koe mo rovaˈa te ŋā hauhaˈa nei?E taiˈo Marcos 10:29, 30; 2 Corintios 6:17, 18.

4. ¿Pe hē te ˈAtua ka haka koa ena i te taŋata o te ˈAo taˈatoˈa?

Ka haka kore ena e Iehoha i te hare pure taˈe parautīˈa, he ŋaroˈa iho te ora mau i ruŋa i te ˈAo. O te ai ˈina he hare pure taˈe parautīˈa e ko reo-reo haka ˈou ki te nuˈu e ˈina e ko haka haˈataˈa haka ˈou i te taŋata, te taŋata o te ˈAo taˈatoˈa, ki a Iehoha nō ka haˈatura ena.E taiˈo Revelación 18:20, 21; 21:3, 4.