Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 12

¿Pe hē ana hahine ki te ˈAtua?

¿Pe hē ana hahine ki te ˈAtua?

1. ¿E haka roŋo rō ˈā e te ˈAtua i te pure taˈatoˈa?

Ko haŋa ˈā te ˈAtua mo hahine te taŋata o te ˈAo taˈatoˈa ki a Īa a roto i te pure (Salmo 65:2). No atu nei meˈe, ˈina he haka roŋo te taˈatoˈa pure. Pahe hora e aŋa e oho era e te Israelita i te meˈe rake-rake, ˈina te ˈAtua he haka roŋo i te rāua pure. Takoˈa te Puka o te ˈAtua e kī rō ˈā ˈina a Iehoha he haka roŋo i te pure o te taŋata totoˈā i taˈana viˈe (1 Pedro 3:7). O te ai te pure he hauhaˈa e tahi vaˈai mai e te ˈAtua mo hahine ki a Īa. No atu rā meˈe, mo ai e tahi taŋata ko hara ˈā, te ˈAtua e haka roŋo rō ˈā taˈana pure o te ai ko mamāe ˈā rā taŋata a roto i a īa o rā aŋa rake-rake aŋa era, e o te haka rē te oho te aŋa rā hara.E taiˈo Isaías 1:15; 55:7.

2. ¿Pe hē tātou ana pure?

Ki a Iehoha nō tātou ana pure o te ai ˈaˈana tātou i aŋa, ko Īa te ˈAtua mau (Mateo 4:10; 6:9). Peira ˈā a tātou he taŋata hara, ōira e pure a roto i te vaha o te ˈīŋoa o Ietū, o te ai paˈi, a īa i mate ai mo haka kore te tātou hara (Juan 14:6). Kai haŋa a Iehoha mo pure ko tū vānaŋa ˈā ko tū vānaŋa ˈā. Ko haŋa ˈā te ˈAtua mo vānaŋa ki a Īa o ruŋa i te tātou manaˈu e tātou meˈe ŋaroˈa, ōira hai mahatu nō tātou ana pure ki a Īa.E taiˈo Mateo 6:7; Filipenses 4:6, 7.

Te ˈAtua e haka roŋo takoˈa rō ˈā, mo pure hai manaˈu nō (1 Samuel 1:12, 13). A Īa ko haŋa ˈā mo pure e tātou i te taˈatoˈa hora, i te ˈotea, i te hopeˈa o te mahana, i te hora kai e i te hora mo piri mai te ˈati.E taiˈo Salmo 55:22; Mateo 15:36.

3. ¿O te aha e taka-taka era te pukuraŋa o Ietū?

A tātou e noho nei i muri i te taŋata taˈe haka roŋo ki te ˈAtua, e haka meˈe-meˈe o ruŋa i te raveˈa o te ˈAtua mo haˈariro te henua pahe kona nehe-nehe e tahi. Ōira e horiŋa nei mo hahine tātou ki te ˈAtua (2 Timoteo 3:1, 4; 2 Pedro 3:3, 13). Ōira tātou e piri ki te tahi pukuraŋa o Ietū mo haka haŋu i a tātou e mo haka haŋu tātou i a rāua.E taiˈo Hebreos 10:24, 25.

 Mo piri o tātou ki te taŋata here ki te ˈAtua, he haˈūˈū mai mo ata hahine ki a Īa. Mo piri takoˈa o tātou i te koro paina o te Taŋata Haka ˈIte o Ruŋa o Iehoha, e mo uˈi a ruŋa i te huru haka tere o rāua, he vaˈai mai te haŋu mo haka uhu o tātou.E taiˈo Romanos 1:11, 12.

4. ¿Pe hē ana hahine ki te ˈAtua?

Hai haka topa te manaˈu o ruŋa i te meˈe hāpī e te Puka o te ˈAtua, he ata hahine koe ki a Īa. Takoˈa he aŋi-aŋi ˈoˈou o ruŋa i te huru haka tere ˈoˈona, taˈana roŋo e taˈana hauhaˈa riva ka vaˈai mai ena pe muˈa ka oho ena. Peira ˈā hai haka topa i te manaˈu o ruŋa i te ŋā meˈe nei e ko i a ko pure, he aŋi-aŋi koe o ruŋa i te here nui-nui e i te rahi o te maramarama o te ˈAtua.E taiˈo Josué 1:8; Salmo 1:1-3.

No atu te taˈe tikeˈa tātou i a Iehoha, ko ˈite ˈā tātou ko Īa te ˈAtua mau, e mai i a Īa mau ˈā te hauhaˈa riva ka rovaˈa ena tātou pe muˈa ka oho ena. Ko ˈite ˈā tātou he aŋi ˈā te manaˈu nei, ōira e riva nei tātou mo hahine ki a Īa. Mo haka hio-hio te manaˈu nei, e haka topa te manaˈu o ruŋa i te meˈe hāpī tātou o te ˈAtua. Mo haˈauraˈa atu, a tātou te taŋata, e kai mo ora e mo haka hio-hio te tātou hakari, peira ˈā mo haka hio-hio te manaˈu o ruŋa i te ˈAtua, e taiˈo taˈana puka ˈe e hāpī e oho o ruŋa i a Īa.E taiˈo Mateo 4:4; Hebreos 11:1, 6.

5. ¿He aha te hauhaˈa riva mo tātou mo hahine ki te ˈAtua?

E tapa rō ˈā Iehoha i te nuˈu here ki a Īa. Takoˈa e hapaˈo rō ˈā mo taˈe ŋaro te tātou here ki a Īa, e te raveˈa mo ora ki te hopeˈa raˈa (Salmo 91:1, 2, 7-10). Peira ˈā e hāpī rō mai ˈā mo hapaˈo te tātou hakari. E he hāpī takoˈa rō mai ˈā, hē te huru hopeˈa o te riva-riva mo noho e mo rovaˈa i te koa mau.E taiˈo Salmo 73:27, 28; Santiago 4:4, 8.