Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 15

¿O te aha koe ana hāpī ana oho te Puka o te ˈAtua?

¿O te aha koe ana hāpī ana oho te Puka o te ˈAtua?

1. ¿Pe hē te hāpī te oho te Puka o te ˈAtua ana haˈūˈū atu?

Taˈa meˈe i hāpī mai ruŋa i te puka iti-iti nei, ko haka nui-nui ko oho ˈā tū here ki a Iehoha. Mo haka hio-hio te here nei mo taˈe kore, e hāpī e oho te Puka o te ˈAtua (1 Pedro 2:2). E hahine koe ki a Iehoha hai hāpī taˈana vānaŋa, e peira nō koe ka riva ena mo ora ki te hopeˈa raˈa.E taiˈo Juan 17:3; Judas 21.

Ka hāpī ka oho ena koe, he ata hahine koe ki te ˈAtua, he hio-hio tū here ki a Īa e he haŋa koe mo aŋa taˈana meˈe haŋa o te ai he riro a Īa he matuˈa parautīˈa ˈoˈou (Hebreos 11:1, 6). Peira ˈā, he haŋa koe mo haka rē te aŋa rake-rake e mo huri tū huru a te huru titīka o Iehoha.E taiˈo Hechos 3:19.

E riva nō koe mo riro he huaˈai o te ˈAtua

2. ¿Pe hē tū ˈite o ruŋa i te ˈAtua ana haˈūˈū ki te tahi?

Ko ite ko haŋa ˈā koe mo ˈaˈamu ki te tahi taŋata te parau ˈāpī riva-riva hāpī ena e koe. Ka hāpī ka oho ena koe o ruŋa i a Iehoha, he aŋi-aŋi koe pe hē ana vānaŋa o ruŋa o Iehoha hai taˈana Puka e o ruŋa i taˈana parau ˈāpī riva-riva mo te taŋata o te ˈAo taˈatoˈa.E taiˈo Romanos 10:13-15.

E riva nō koe mo haˈamata mo vānaŋa ki tū huaˈai o ki tū repahoa. Ana vānaŋa koe ki a rāua, ka vānaŋa hai haumaru e hai moˈa. ˈIna ko kī te rāua manaˈu he manaˈu taˈe tano, ka vānaŋa koe o ruŋa i te hauhaˈa riva vaˈai mai e te ˈAtua pe muˈa ka oho ena. E uˈi o rehu rō, te meˈe raˈe ka uˈi ena e te taŋata, he huru haka tere ˈoˈou e taˈe ki taˈa vānaŋa.E taiˈo 2 Timoteo 2:24, 25.

3. ¿He aha te meˈe mo rovaˈa tātou mo hahine ki te ˈAtua?

Mo hāpī ˈoˈou mo oho i te Puka o te ˈAtua, he ata nui-nui he oho tū haŋa mo aŋa te meˈe haŋa o te ˈAtua. E ka tano era te hora, e riva nō koe mo riro he huaˈai o te ˈAtua.E taiˈo 2 Corintios 6:18.

 4. ¿He aha te meˈe mo aŋa mo maˈa tū ˈite o ruŋa o Iehoha?

ˈIna ko haka rē te hāpī te oho o ruŋa i te Vānaŋa o te ˈAtua (Hebreos 5:13, 14). Ka nonoˈi ki te Taŋata Haka ˈIte o Ruŋa o Iehoha mo hāpī atu o ruŋa i te Puka o te ˈAtua, hai puka e tahi te ˈīŋoa ko ¿Qué enseña realmente la Biblia? Mo ata hāpī mo oho ˈoˈou, he ata koa koe.E taiˈo Salmo 1:1-3; 73:27, 28.

ˈIna koe ko rehu, te parau ˈāpī riva-riva o ruŋa i te Puka o te ˈAtua, mai te ˈAtua koa, ko Iehoha i oho mai ai. E riva nō koe mo hahine ki a Īa hai hahine ˈoˈou ki taˈana pukuraŋa parautīˈa (Hebreos 10:24, 25). Mo aŋa mo oho hai haka kē, he rovaˈa koe te ora mau: te ora ki te hopeˈa raˈa. He aŋi ˈā, te meˈe hopeˈa o te riva-riva mo aŋa ˈoˈou, e hahine e oho koe ki a Iehoha.E taiˈo 1 Timoteo 1:11; 6:19.