Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 10

¿Pe hē ana aŋi-aŋi hē te huru parautīˈa mo haˈatura ki te ˈAtua?

¿Pe hē ana aŋi-aŋi hē te huru parautīˈa mo haˈatura ki te ˈAtua?

“E hapaˈo kōrua mai te pukuraŋa haˈavare.”MATEO 7:15.

“Pe nei e kī era, e aŋi-aŋi rō ˈā rāua i te ˈAtua, e hai huru haka tere o rāua e haka tikeˈa ena pe nei ē, rā meˈe taˈe he parautīˈa.”TITO 1:16.

1. ¿E tahi nō huru parautīˈa mo haˈatura ki te ˈAtua?

A Ietū i hāpī ai ki taˈana pukuraŋa e tahi nō huru titīka mo haˈatura ki te ˈAtua, e ko haˈauraˈa ˈā pahe ara e tahi mo maˈu mo ora ki te hopeˈa raˈa. Ko kī ˈā, vara-vara nō te nuˈu rovaˈa i nei ara (Mateo 7:14). I ruŋa i te Puka o te ˈAtua e haˈaki era te huru parautīˈa haˈatiˈa e Iehoha mo haˈatura ki a Īa. Te taŋata taˈatoˈa haˈere a te ara nei, he piri tahi mo haˈatura ki te ˈAtua pe tū huru ˈā.E taiˈo Juan 4:23, 24; 14:6; Efesios 4:4, 5.

2. ¿He aha te meˈe i kī e Ietū o ruŋa i te pukuraŋa haˈavare?

Ko kī ˈā Ietū mai roto i taˈana pukuraŋa he eˈa mai te pukuraŋa haˈavare mo haka tutūki i taˈana pukuraŋa parautīˈa. Te ŋā taŋata haˈavare nei e te rāua hare pure e kī ena ko rāua te pukuraŋa o Ietū. ¿Pe hē ana aŋi-aŋi ko ai te pukuraŋa parautīˈa e ko ai te pukuraŋa reo-reo? E riva nō koe mo aŋi-aŋi ko ai mau ˈā te pukuraŋa parautīˈa hai uˈi a ruŋa i te rāua huru haka tere.E taiˈo Mateo 7:13-23.

3. ¿Pe hē ana aŋi-aŋi ko ai te pukuraŋa parautīˈa?

Ki uˈi e rima huru mo aŋi-aŋi rā ŋā nuˈu:

  • E moˈa rō ˈā te Puka o te ˈAtua pahe vānaŋa ˈaˈana. Te pukuraŋa parautīˈa e haka uhu rō ˈā mo haka tere a te meˈe hāpī e te Puka o te ˈAtua. Te pukuraŋa haˈavare e haka tere rō ˈā a te manaˈu taŋata e taˈe a te manaˈu o te ˈAtua (Mateo 15:7-9). Takoˈa te pukuraŋa parautīˈa e aŋa rō ˈā i te meˈe tatāra ena e rāua.E taiˈo Juan 17:17; 2 Timoteo 3:16, 17.

  •   E moˈa rō ˈā te ˈīŋoa o te ˈAtua ko Iehoha. I aŋa rō a Ietū peira hora haka ˈite era te ˈīŋoa o toˈona matuˈa ki te tahi. Takoˈa i haˈūˈū rō ki te taŋata mo aŋi-aŋi o ruŋa o Iehoha. Peira ˈā, i hāpī rō mo pure ki te ˈAtua mo haka maitaki toˈona ˈīŋoa i ruŋa i te ˈAo taˈatoˈa (Mateo 6:9). ¿Ko pukuraŋa hē te pukuraŋa haka aŋi-aŋi te ˈīŋoa o te ˈAtua i tū kona noho?E taiˈo Juan 17:26; Romanos 10:13, 14.

  • E vānaŋa rō ˈā o ruŋa i te Haˈatere o te ˈAtua. A Iehoha i uŋa ai i a Ietū ki ruŋa i te henua, mo vānaŋa o ruŋa i te parau ˈāpī riva-riva o te Haˈatere o te ˈAtua, he ˈoti mau ˈā te raveˈa hopeˈa o te riva-riva mo te ˈAo taˈatoˈa, e peira i aŋa ai ki te hora era o toˈona mate (Lucas 4:43; 8:1; 23:42, 43). E ko kī ˈā pe nei ē, taˈana pukuraŋa e vānaŋa rō o ruŋa i nei Haˈatere. Ōira, mo hahine atu e tahi taŋata e he vānaŋa atu o ruŋa i te Haˈatere o te ˈAtua, ¿o hare pure hē a īa?E taiˈo Mateo 24:14.

  • Te pukuraŋa a Ietū ˈina he peˈe ki te ˈAo rake-rake nei. E riva nō mo aŋi-aŋi nei nuˈu i te taˈe anoˈi i a rāua ki te huru manaˈu, aŋa, moto, ture o te taŋata pūˈoko haka tere o te ˈAo taˈatoˈa (Juan 17:16; 18:36). Takoˈa ˈina he haka tere a te huru rake-rake o te taŋata o te ˈAo nei.E taiˈo Santiago 4:4.

  • E tikeˈa nō koe te here o rāua. Te vānaŋa o te ˈAtua ko hāpī ˈā mo moˈa ki te taŋata taˈatoˈa, no atu te rāua hau. Te pukuraŋa reo-reo e peˈe rō ˈā ki te tamaˈi o te ˈAo taˈatoˈa. Te pukuraŋa parautīˈa ˈina he aŋa te ŋā meˈe nei (Miqueas 4:1-3). Te aŋa o rāua he haˈūˈū ki te tahi hai rāua hora, haŋu, taoˈa, e ˈina he tiaki mo haka hoki te rima o te ai hai mahatu e aŋa ena.E taiˈo Juan 13:34, 35; 1 Juan 4:20.

4. ¿Ko aŋi-aŋi ˈā koe ko ai te pukuraŋa parautīˈa?

¿Ko ai te nunaˈa haka tere hai meˈe hāpī e te Puka o te ˈAtua, e takoˈa moˈa i toˈona ˈīŋoa? ¿Ko ai te nunaˈa vānaŋa ko te Haˈatere o te ˈAtua te raveˈa hopeˈa o te riva-riva mo te ˈAo taˈatoˈa? ¿Ko ai te nunaˈa haka tikeˈa te here ki a rāua e ki te tahi, e ˈina he peˈe ki te tamaˈi? ¿Ko aŋi-aŋi ˈā koe ko ai rā nunaˈa?E taiˈo 1 Juan 3:10-12.