Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 14

¿O te aha te ˈAtua e haka taka-taka ena i taˈana nuˈu mo aŋa i taˈana meˈe haŋa?

¿O te aha te ˈAtua e haka taka-taka ena i taˈana nuˈu mo aŋa i taˈana meˈe haŋa?

1. ¿O te aha Iehoha i haka taka-taka ai i a Israel mo riro he nunaˈa ˈaˈana?

A Iehoha, i haka taka-taka ai i te haka ˈara o Abrahán, mo piri mo tuˈu he nunaˈa ˈaˈana, e he vaˈai i te rauhuru roŋo. Te nunaˈa nei te ˈīŋoa ko Israel. A rāua i topa kē rō mai te tahi kaīŋa, o te haka roŋo ki te taˈatoˈa roŋo vaˈai e te ˈAtua, e ko rāua nō i haˈatura ai ki a Iehoha, a te huru parautīˈa haˈatiˈa era e Īa (Salmo 147:19, 20). O te haka tere rāua a te huru nei, e riva ena te taŋata o te ˈAo taˈatoˈa mo rovaˈa i te hauhaˈa riva.E taiˈo Génesis 22:18.

Te ˈAtua i haka taka-taka ai te Israelita, mo riro rāua he taŋata mataˈite o taˈana meˈe aŋa taˈatoˈa. A roto i te vaha era o te Israelita, e rovaˈa era te tahi, i te raveˈa mo aŋi-aŋi riva-riva ko ai te ˈAtua mau. E haka roŋo era te Israelita i te roŋo o te ˈAtua, he rovaˈa rāua i te hauhaˈa riva, peira ˈā, mo haka roŋo tātou i te roŋo o te ˈAtua, he rovaˈa takoˈa i te hauhaˈa riva (Deuteronomio 4:6).E taiˈo Isaías 43:10, 12.

2. ¿O te aha e taka-taka ena te pukuraŋa parautīˈa mo aŋa te meˈe haŋa o Iehoha?

I tano era te mahana, i te taˈe haka roŋo o Israel ki te ˈAtua he haˈataˈa a Īa mai muri i a rāua, ōira a Iehoha i mono ai te Israelita hai pukuraŋa o Ietū o muˈa ˈā, pahe nunaˈa ˈaˈana (Mateo 21:43; 23:37, 38). I aŋanirā, o te pukuraŋa parautīˈa te aŋa i te meˈe haŋa o te ˈAtua pahe Taŋata Haka ˈIte ˈoˈona, e taˈe o te Israelita.E taiˈo Hechos 15:14, 17.

A Ietū ko uŋa ˈā i taˈana pukuraŋa, mo tatāra mo hāpī ki te taŋata o te ˈAo taˈatoˈa, mo tuˈu mo riro he pukuraŋa o Ietū (Mateo 10:7, 11; 24:14; 28:19, 20). I aŋanirā, i te ŋā mahana hopeˈa o te ˈAo nei, te aŋa uŋa era e Ietū mo tatāra, ko haˈamata ko tuˈu ˈā ki toˈona roa, i te ˈAo taˈatoˈa. Ko rahi ˈā te taŋata o te ˈAo taˈatoˈa e haka taka-taka mai ena e Iehoha mo riro he pukuraŋa parautīˈa ˈaˈana, e ˈina e tahi taˈu o muˈa ˈā, hahine ki te aŋa o te hora nei (Revelación 7:9, 10). E taka-taka ena te pukuraŋa parautīˈa, he riva mo haˈūˈū e mo haka haŋu i a rāua ˈā. Takoˈa a roto i te rāua koro paina piri, e hāpī ena i te ˈAo taˈatoˈa ko tū hāpī ˈā o ruŋa i te Puka o te ˈAtua.E taiˈo Hebreos 10:24, 25.

 3. ¿Pe hē te Taŋata Haka ˈIte o Ruŋa o Iehoha o aŋanirā i haˈamata ai?

I te matahiti 1870 te nunaˈa iti-iti hāpī te Puka o te ˈAtua, he haˈamata he tikeˈa e he aŋi-aŋi te parautīˈa mau o ruŋa i te ˈAtua i naˈa i oho mai ai, mai muˈa ˈā. He aŋi-aŋi takoˈa rāua pe nei ē, i haka taka-taka rō e Ietū i taˈana pukuraŋa mo tatāra. Peira takoˈa, a rāua i haˈamata ai te aŋa nui–nui e tahi i te ˈAo taˈatoˈa, mo haka aŋi-aŋi i te roŋo o te Haˈatere o te ˈAtua. I te matahiti 1931 i nape ai i a rāua he Taŋata Haka ˈIte o Ruŋa o Iehoha.E taiˈo Hechos 1:8; 2:1, 4; 5:42.

4. ¿Pe hē te huru haka tere o te Taŋata Haka ˈIte o Ruŋa o Iehoha?

I muˈa ˈā i te hora era o Ietū, i taka-taka rō taˈana pukuraŋa i te rauhuru henua, ˈe e ai rō ˈā i te nunaˈa taŋata maˈa mo haka tere i a rāua, pahe pūˈoko haka tere nui-nui. Te nunaˈa nei, e moˈa rō ˈā i a Ietū pahe pūˈoko ariki o rāua (Hechos 16:4, 5). I aŋanirā i te ˈAo taˈatoˈa, te Taŋata Haka ˈIte o Ruŋa o Iehoha e ai rō ˈā te rāua kona e huri era i te rauhuru puka iti-iti vānaŋa o ruŋa i te ˈAtua, a ruŋa ki te 600 tumu ˈarero. I rā ŋā kona takoˈa, e tapura ena ˈe e tuhaˈa ena te ŋā puka nei. Te Taŋata Haka ˈIte o Ruŋa o Iehoha i aŋanirā, pahe hora era o Ietū, e ai rō ˈā te rāua pūˈoko haka tere nui-nui mo haka titīka i te ŋā aŋa nei. Te Taŋata Haka ˈIte o Ruŋa o Iehoha o te ˈAo taˈatoˈa, e taka-taka rō ˈā a ruŋa ki te 100.000 nunaˈa taŋata, e hai Puka o te ˈAtua te pūˈoko haka tere nei, e haka haŋu ˈe e haka tere ena i a rāua. Peira ˈā, e ai rō ˈā te taŋata maˈa hapaˈo hai here te ŋā nunaˈa nei, pahe nuku-nuku māmoe o Iehoha.E taiˈo 1 Pedro 5:2, 3.

Pahe pukuraŋa o muˈa ˈā, te Taŋata Haka ˈIte o Ruŋa o Iehoha ko taka-taka ˈā, mo tatāra te parau ˈāpī riva-riva o te Puka o te ˈAtua i te taˈatoˈa hare, mo hāpī i te taŋata mo riro rāua he pukuraŋa o Ietū (Hechos 20:20). Peira ˈā, e hāpī rō ˈā te Puka o te ˈAtua ki te taŋata haŋa mo ˈite te parautīˈa. Te Taŋata Haka ˈIte o Ruŋa o Iehoha, taˈe he nunaˈa taka-taka mo aŋa nō te aŋa o te ˈAtua, ko riro ˈā ananake he huaˈai nui-nui e tahi here ki a rāua pahe taina ˈā. Pahe matuˈa here ki taˈana ŋā poki, te ˈAtua e hapaˈo ena i a rāua (2 Tesalonicenses 1:3). O te ai a rāua e haˈūˈū rō ˈā ki te tahi, ˈe e haka uhu rō ˈā mo aŋa te meˈe haŋa o Iehoha, ko riro ˈā ko rāua te huaˈai hopeˈa o te koa o te ˈAo taˈatoˈa.E taiˈo Salmo 33:12; Hechos 20:35.