Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 4

¿Ko ai a Ietū?

¿Ko ai a Ietū?

Hai huru era o Ietū te taŋata e haŋa era mo hahine ki a īa, ¿Ko huru hē?MATEO 11:29; MARCOS 10:13-16.

1. ¿Mai hē a Ietū i oho mai ai?

Te meˈe raˈe i aŋa e Iehoha ko Ietū. A īa he varūa e tahi e noho era i ruŋa i te raŋi, raˈe ki te poreko mai i ruŋa i te henua (Juan 8:23). He ˈoti mau ˈā te meˈe i aŋa e Iehoha hoko tahi nō, ko Ietū (Juan 1:14). E ˈaˈana i haˈūˈū ki a Iehoha mo aŋa i te meˈe taˈatoˈa. E takoˈa ko īa te maˈu reˈo o toˈona matuˈa.E taiˈo Proverbios 8:22, 23, 30; Colosenses 1:15, 16.

2. ¿O te aha a Ietū i oho mai ai ki ruŋa i te henua?

O te ˈAtua i uŋa i taˈana poki ki ruŋa i te henua. A Ietū ˈina he matuˈa tane taŋata, o te ai ko haka tupu ˈā e te ˈAtua i roto i te kaiŋa o te neru judia e tahi, te ˈīŋoa ko María (Lucas 1:30-35). A Ietū i turu mai ai: 1) mo hāpī te parautīˈa o ruŋa i te ˈAtua, 2) mo hāpī mai, a ruŋa i toˈona huru haka tere, pe he ana aŋa i te meˈe haŋa o te ˈAtua, no atu te ˈati ka piri mai ena 3) mo vaˈai mai toˈona hakari hara kore, mo auhau te ora iŋa o te taˈatoˈa.E taiˈo Mateo 20:28.

3. ¿He aha ana auhau te ora iŋa o te taˈatoˈa?

Mo toke i a koe e te taŋata ˈino, ai ka nonoˈi te moni ki tū huaˈai mo haka pakoˈo i a koe, ¿e auhau rō? He auhau e tū huaˈai mo ora ˈoˈou. A tātou ko hoˈo ˈā e Adán ki te mate i hara era īa, ōira e ai te raveˈa e tahi mo auhau te ora iŋa o te taˈatoˈa mo haka kore te tātou hara e mo taˈe mate haka ˈou. I aŋa ai e te ˈAtua i a Adán he taŋata hara kore, ōira taˈe mo mate a īa. ˈIna paˈi he mate e he korohuˈa o te taŋata i roto i te manaˈu o te ˈAtua i aŋa ai te taŋata i ruŋa i te ˈAo. A tātou ko aŋi-aŋi ˈā nei meˈe hai Iehoha, ˈaˈana paˈi i kī ki a Adán mo hara – o te taˈe haka roŋo ki a Īa- he mate. Ahani Adán i haka roŋo, ko te ora iŋa ˈā (Génesis 2:16, 17; 5:5). I ruŋa i te Puka o te ˈAtua e kī rō ˈā, te mate i oˈo ai ki ruŋa i te ˈAo o te hara o Adán. Hai īa i peˈe mai ai te hara, ōira tātou e mate nei o te ai he haka ˈara tātou ˈoˈona.E taiˈo Romanos 5:12; 6:23.

 Ōira te ˈui nei, ¿Ko ai te taŋata mo riva mo auhau te ora iŋa o te taˈatoˈa? E mate nei tātou e peˈe iho ena te tātou hara, ōira e ko riva e tahi taŋata mo auhau te tātou ora iŋa.E taiˈo Salmo 49:7-9.

4. ¿O te aha a Ietū i mate ai?

A Ietū he taŋata hara kore, taˈe pe tātou, e ˈina a īa kai hara ki te hora hopeˈa. Ōira i mate era a īa, taˈe mo auhau toˈona hara, a īa i mate ai, mo auhau i te hara o te taˈatoˈa. I uŋa era te ˈAtua i taˈana poki mo mate mo haka kore i te tātou hara, ko haka tikeˈa mai ˈā te rahi o toˈona here ki te taŋata o te ˈAo. Peira ˈā a Ietū i haka ˈite mai ai i toˈona here, hai haka roŋo ki toˈona Matuˈa, e hai vaˈai toˈona hakari hara kore, mo haka kore te hara e te mate mai i a tātou.E taiˈo Juan 3:16; Romanos 5:18, 19.

5. ¿E aha ˈā a Ietū i aŋanirā?

Rahi nō te aŋa a Ietū i aŋa ai hora noho era i ruŋa i te henua, ko haka kore ˈā i te maiūi o te taŋata, ko haka ora haka ˈou ˈā i te nuˈu mate, e ko haˈūˈū ˈā i te taŋata mamāe era i te rahi o te ˈati. Hai rā aŋa, i haka tikeˈa mai ai pe hē a īa ka aŋa ena pe muˈa, ki te taŋata here e aŋa i te meˈe haŋa o te ˈAtua (Mateo 15:30, 31; Juan 5:28). I mate era Ietū he haka ora e Iehoha mo iri mo noho haka ˈou i ruŋa i te raŋi pahe kuhane e tahi (1 Pedro 3:18). Ki ˈoti i tiaki ai a te paeŋa mataˈu o toˈona Matuˈa mo ariki i ruŋa i te ˈAo (Hebreos 10:12, 13). I aŋanirā nā a Ietū e ariki mai ena i ruŋa i te raŋi, e nā taˈana pukuraŋa e haka ˈite mai ena te parau ˈāpī riva-riva nei i te ˈAo taˈatoˈa.E taiˈo Daniel 7:13, 14; Mateo 24:14.

Nā ko hahine ˈā te hora o Ietū, te ariki mana, mo haka kore i te mamāe e i te taŋata rake-rake. Te nuˈu moˈa e haka roŋo ki a Ietū pahe ariki o te haˈatere o te ˈAtua, mo rāua e noho i ruŋa i te henua ka haˈariro ena pahe henua nehe-nehe.E taiˈo Salmo 37:9-11.