Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 5

¿He aha te meˈe haŋa o te ˈAtua mo te ˈAo nei?

¿He aha te meˈe haŋa o te ˈAtua mo te ˈAo nei?

1. ¿Mo te aha te ˈAtua i aŋa ai te ˈAo?

A Iehoha i aŋa ai te ˈAo mo te taŋata. Ōira i aŋa ai i a Adán rāua ko Eva, mo noho i ruŋa, taˈe mo noho i ruŋa i te raŋi o te ai ko aŋa era ˈā te ˈAtua i te merahi mo noho ˈi īra (Job 38:4, 7). A Iehoha i haka noho ai te taŋata raˈe i ruŋa i te kona nehe-nehe e tahi, te ˈīŋoa ko Edén (Génesis 2:15-17). Peira ˈā ko vaˈai ˈā te raveˈa ki rā taŋata e ki toˈona haka ˈara mo ora mo oho rō ˈai i ruŋa i te henua.E taiˈo Salmo 37:29; 115:16.

Te kona nei ko Edén, he kona iti-iti nō e tahi i ruŋa i te henua. Ka poreko ka oho era te ŋā poki a Adán rāua ko Eva, he aŋa ananake mo hapaˈo e mo haˈariro te henua taˈatoˈa pahe kona nehe-nehe nei (Génesis 1:28). Ōira te ˈAtua i aŋa ai te ˈAo, mo noho e te taŋata, ˈe e ko haka kore ki te hora hopeˈa.E taiˈo Salmo 104:5.

2. ¿O te aha e taˈe tuˈu nei te ˈAo he kona nehe-nehe pe Edén i aŋanirā?

O te ai kai haka roŋo Adán rāua ko Eva ki te ˈAtua, ōira i tute ai mai Edén. ˈIna nei kona toe. Kai ai ˈā e tahi taŋata mo haˈariro haka ˈou rā kona pahe hora raˈe era, o te ai mai rā hora, te henua e haka tere mai ena e te nuˈu rake-rake, e kī ena e te Puka o te ˈAtua (Job 9:24).E taiˈo Génesis 3:23, 24.

¿Ko neki ˈā a tuˈa a Iehoha o ruŋa i taˈana meˈe haŋa mo te ˈAo? ¡ˈIna! A Īa he ˈAtua mana pūai e ˈina e tahi ˈaˈana aŋa mo hape (Isaías 45:18). Pe muˈa ka oho ena, te ˈAtua he aŋa te ora iŋa o te taŋata pahe meˈe haŋa era e Īa i te hora raˈe era.E taiˈo Salmo 37:11, 34.

3. ¿Pe hē ka haˈariro haka ˈou ena te ˈAo he kona nehe-nehe e tahi?

Ma Ietū te ariki o te Haˈatere o te ˈAtua e aŋa mo haˈariro haka ˈou te ˈAo he kona nehe-nehe. ¿Pe hē ka aŋa ena? Ma Ietū ko īa ko taˈana merahi e haka kore tahi te taŋata rake-rake taˈe haka roŋo ki te ˈAtua, ka tamaˈi era i te tamaˈi nui-nui e tahi te ˈīŋoa ko Armagedón. Ki ˈoti, he puru i te Tatāne e hoˈe tautini matahiti. Te nunaˈa haka roŋo ki te ˈAtua he ora ki nei tamaˈi, o te ai paˈi ma Ietū e puˈoko ˈe e hapaˈo. I rā hora, nei nuˈu he ŋaroˈa iho te ora ki te hopeˈa raˈa.E taiˈo Revelación 20:1-3; 21:3, 4.

4. ¿A hē ka ˈoti te mamāe e te taŋi-taŋi?

¿A hē ka haka kore ena te ˈAtua i te ˈino? Ko kī mai ˈā e Ietū he aha te meˈe o tātou ka tikeˈa nei ka hahine mai era rā hora. A te huru tikeˈa nei e tātou i te ˈAo taˈatoˈa i aŋanirā, ko haka aŋi-aŋi mai ˈā, nā “te paˈo o te ˈAo” ko hahine mai ˈā.E taiˈo Mateo 24:3, 7-14, 21, 22.

I te ŋā hoˈe tautini matahiti, ka ariki mai era a Ietū i te ˈAo taˈatoˈa mai ruŋa i te raŋi, he haka kore he oho i te meˈe e haka mamāe nei i te taŋata (Isaías 9:6, 7; 11:9). Maˈana takoˈa e haka kore e oho i te hara o te taŋata here ki te ˈAtua. Peira ˈā hai Ietū te ˈAtua ka haka kore ena i te maiūi, te korohuˈa o te taŋata, te rūau o te ŋā viˈe, e peira ˈā, he haka kore i te mate.E taiˈo Isaías 25:8; 33:24.

5. ¿Ma ˈai e noho i ruŋa i te Henua Nehe-Nehe?

I roto i te koro paina piri he mahani koe ki te nuˈu here ki te ˈAtua haŋa mo hāpī pe hē ana aŋa taˈana meˈe haŋa

Mo te taŋata haˈatura e haka roŋo ki te ˈAtua, e noho i ruŋa i te henua nehe-nehe (1 Juan 2:17). A Ietū i uŋa ki taˈana pukuraŋa, mo kimi i te nuˈu mahatu riva mo hāpī pe hē ana haka tere a te ara haˈatiˈa era e te ˈAtua. I aŋanirā nā Iehoha e hāpī mai ena ki te nuˈu nei, mo haka tere riva-riva i a rāua i ruŋa i te henua nehe-nehe ka oho mai ena (Sofonías 2:3). I te koro paina piri o te Taŋata Haka ˈIte o Ruŋa o Iehoha, e hāpī rō ˈā pe hē ana haka tere te huaˈai a te huru haŋa o te ˈAtua, e pe hē ana rovaˈa i te hauhaˈa riva o te parau ˈāpī riva-riva, vaˈai mai ena e te Puka o te ˈAtua.E taiˈo Miqueas 4:1-4.