Saltar al contenido

Saltar al menú secundario

Haka hoki ki te kona ha'amata o te puka

Taŋata haka ˈite o ruŋa o Iehoha

rapa nui

¡He Parau ˈāpī riva-riva mai te ˈAtua mo tātou!

 Kau 7

¿He aha te Haˈatere o te ˈAtua?

¿He aha te Haˈatere o te ˈAtua?

¿O te aha ana riva mo kī ko Ietū te ariki hopeˈa o te riva?MARCOS 1:40-42.

1. ¿He aha te Haˈatere o te ˈAtua?

Te Haˈatere o te ˈAtua he Haˈatere e tahi o ruŋa i te raŋi ka mono tahi ena te haˈatere taŋata e he tuˈu ki te roa era mo aŋa te meˈe haŋa o te ˈAtua i ruŋa i te raŋi e i ruŋa i te henua. Takoˈa hai nei Haˈatere te taŋata o te ˈAo taˈatoˈa ka piri tahi ena pahe huaˈai. ¡I te Haˈatere mau mo te taŋata! I mau te parau ˈāpī riva-riva.E taiˈo Daniel 2:44; Mateo 6:9, 10; 24:14.

Taˈatoˈa haˈatere e ai toˈona puˈoko mo haka titīka i te aŋa. Ko vaˈai a Iehoha ki taˈana poki ko Ietū pahe ariki o toˈona Haˈatere.E taiˈo Revelación 11:15.

2. Ko Ietū te ariki hopeˈa o te riva ¿o te aha?

O te ai a īa he taŋata riva e meˈe titīka nō taˈana meˈe aŋa (Juan 1:14). I ora haka ˈou era a Ietū, he iri ki ruŋa i te raŋi he noho he tiaki a te paeŋa mataˈu o te ˈAtua, mo vaˈai te toroˈa mo ariki. I tano era te hora he vaˈai te toroˈa e te ˈAtua. I aŋanirā a īa he ariki pūai mo haˈūˈū ki te taŋata e he aŋa peira ka ariki ena i te henua mai ruŋa i te raŋi (Hebreos 10:12, 13).E taiˈo Daniel 7:13, 14.

3. ¿E ai rō te tahi taŋata mo ariki i muri i a Ietū?

Te Puka o te ˈAtua e kī rō ˈā, e ai rō ˈā te nunaˈa taŋata haka roŋo ki te ˈAtua, i nape ai “nunaˈa vae”, ka ariki ena i muri i a Ietū (Daniel 7:27). Te nunaˈa raˈe i vae e te ˈAtua ko te pukuraŋa era o Ietū, nā Iehoha e vae e oho nō ˈā ki aŋanirā, i te taŋata i te ŋā viˈe here ki a Īa mo haka piri ki te nunaˈa nei. Pe Ietū ˈā, te nunaˈa nei, hora era e mate ena, he haka ora haka ˈou e te ˈAtua pahe kuhane i ruŋa i te raŋi.E taiˈo Juan 14:1-3; 1 Corintios 15:42-44.

¿Hoko hia taŋata nei? I ruŋa i te Puka o te ˈAtua e kī rō ˈā e hia nuˈu ka ariki ena te henua i muri i a Ietū: 144.000. Nuˈu taˈe rahi te nuˈu nei, ōira i nape ai e Ietū “nuku-nuku iti-iti” (Lucas 12:32).E taiˈo Revelación 14:1.

 4. ¿He aha te aŋa raˈe i aŋa e Ietū hora haka ariki era i a īa?

A Ietū i haka ariki ai i 1914, e taˈana meˈe raˈe i aŋa pahe ariki, he tute i te Tatāne ko īa ko taˈana varūa rake-rake mai ruŋa i te raŋi, e he hoa ki ruŋa i te henua. * I te rahi o te riri o te Tatāne, he ata totoˈā he oho i te taŋata o te ˈAo taˈatoˈa, mai rā hora te taŋata pe te rake-rake nō e oho ena (Revelación 12:7-10, 12). Te meˈe tikeˈa nei e tātou pahe tamaˈi, makenu-kenu henua, maiūi e ˈoŋe o te kai, ko haka tano ˈā ki te meˈe kī era e Ietū, papaˈi era i ruŋa i te Puka o te ˈAtua, e ko haka aŋi-aŋi mai ˈā nā te Haˈatere o te ˈAtua ko hahine ˈā, mo haka tere e īa i te ˈAo taˈatoˈa.E taiˈo Lucas 21:7, 10, 11, 31.

5. ¿E aha ˈā te haˈatere o te ˈAtua i aŋanirā e he aha te aŋa ka aŋa ena pe muˈa?

I aŋanirā te nunaˈa o te haˈatere o te ˈAtua nā e kimi e oho ena i te taŋata mahatu riva haŋa mo hāpī o ruŋa o Iehoha. Rahi nō te taŋata haka roŋo ki nei hāpī, e ko riro ˈā he nunaˈa o te haˈatere nei. Ko nei taŋata ka ora tahi ena ka paˈo ena te ˈAo e te Haˈatere o te ˈAtua. Ōira te nuˈu haŋa mo rovaˈa te hauhaˈa riva o nei Haˈatere e haka roŋo ki a Ietū.E taiˈo Revelación 7:9, 14, 16, 17.

A roto i te 1.000 matahiti, te Haˈatere o te ˈAtua, he aŋa i te meˈe raˈe haŋa era e te ˈAtua i muˈa ˈā mo te taŋata taˈatoˈa. Te ˈAo taˈatoˈa he riro he kona nehe-nehe e tahi. E ka hopeˈa ena he haka hoki e Ietū te haˈatere ki roto i te rima o toˈona matuˈa (1 Corintios 15:24-26). ¿Haŋa rō koe mo ˈaˈamu o ruŋa i nei Haˈatere ki te tahi taŋata?E taiˈo Salmo 37:10, 11, 29.

 

^ párr. 12 Mo ata aŋi-aŋi ˈoˈou o ruŋa i te haka ariki o Ietū i 1914 ka uˈi i ruŋa i te puka ¿Qué enseña realmente la Biblia? I te kaka parau 215 ki te 218.