Saltar al contenido

Saltar al menú secundario

Taŋata haka ˈite o ruŋa o Iehoha

rapa nui

¿He aha te Haˈatere o teˈAtua?

¿He aha te Haˈatere o teˈAtua?

Ki taˈa kī . . .

  • ¿he meˈe e tahi i roto i tū mahatu?

  • ¿he meˈe tatāra nō e tahi?

  • ¿he haˈatere i ruŋa i te raŋi?

 TE MEˈE KĪ E TE PUKA O TE ˈATUA

“Te ˈAtua o ruŋa i te raŋi he haka tuˈu e tahi haˈatere e ˈina ˈoˈona hopeˈa.” (Daniel 2:44.)

“Ko vaˈai mai ˈā e tahi poki e te haˈatere ko haka noho ˈā i ruŋa i toˈona kekeˈu.” (Isaías 9:6.)

TE HAUHAˈA MO RAVAˈA

  • He haˈatere titīka, riva nō mo haˈūˈū atu ki a koe (Isaías 48:17, 18).

  • Ka haka ˈāpī ena te ˈao nei he haka kore tahi te maiūi e he koa mau te taŋata (Revelación 21:3, 4).

 ¿HE PARAUTĪˈA MAU ˈĀ TE MEˈE KĪ E TE PUKA O TE ˈATUA?

E ē, i tātou he uˈi o te aha e kī nei he parautīˈa mau ˈā:

  • A Ietū ko haka tikeˈa mai ˈā he aha te meˈe o te Haˈatere o te ˈAtua ka aŋa era. A Ietū i hāpī rō ki taˈana pukuraŋa mo pure mo tuˈu mai te Haˈatere o te ˈAtua e mo aŋa taˈana meˈe haŋa i ruŋa i te henua (Mateo 6:9, 10). A Ietū i haka tikeˈa rō pe hē ka pahono ena te pure nei.

    Hora era i ruŋa i te henua a Ietū, i haŋai rō i te taŋata, i haka kore rō te maiūi e i haka ora haka ˈou rō i te nuˈu mate (Mateo 15:29-38; Juan 11:38-44). Hai aŋa taˈatoˈa nei i haka tikeˈa mai ai e Ietū, he aha taˈana meˈe ka aŋa ena ki taˈana taŋata i te hora era ka ariki era i te Haˈatere o te ˈAtua (Revelación 11:15).

  • Te ˈati e tikeˈa nei tātou i te ˈao taˈatoˈa ko haka tikeˈa mai ˈā nā te Haˈatere o te ˈAtua ko hahine mai ˈā. Ko kī ˈā e Ietū pe nei ē raˈe ki te tuˈu mai te Haˈatere o te ˈAtua mo haka kore te taˈatoˈa ˈati, he tikeˈa tātou i te tamaˈi, i te kai kore, i te ŋaˈahaˈaha e makenu-kenu henua i te ˈao taˈatoˈa (Mateo 24:3, 7).

    I te rava tikeˈa e tātou i te ŋā meˈe nei i aŋanirā e riva nei tātou mo kī, nā te Haˈatere o te ˈAtua ko hahine mai ˈā e maˈana e haka kore tahi te ŋā ˈati taˈatoˈa nei.

 KA ˈUI ATU

¿Pe hē te ora iŋa o te taŋata i te hora era ka haka tere ena e te Haˈatere o te ˈAtua?

He ravaˈa koe te pahono i ruŋa i te Puka o te ˈAtua i a SALMO 37:29 e ISAÍAS 65:21-23.