Charishcaguma rina

Yachana partita ringahua

 3 PARTI

Punda timpuibi causanaga ¿imasa tara?

Punda timpuibi causanaga ¿imasa tara?

Diosga Adanda Evata tucui paiguna ministishcata cura Genesis 1:​28

Jehova Diosga punda huarmi Evata rara. Chihuasha Adanma cura paihua huarmi tucuchun nisha (Marcos 10:​6, 7).

Diosga Adanda Evatas jucha illac aichata, jucha illac yuyaitas cura.

Jardin de Eden nishca sumac pistui causanaura. Chaibi tiarami shuc yacu, ruyaguna, animalgunas. Shuc paraiso mara.

Jehova Diosga paigunahuan cuintasha yachachic ara. Chi paraisoibi huiñaibac causanata munashaga Diosta uyasha cazuna manaura.

 Dios mandarami shuc ruyamandalla ac muyuta ama micunguichichu nisha Genesis 2:​16, 17

Diosga Adanda Evata nira, chi sumac pistui shuc ruyamandalla muyuta ama micunguichichu nisha. Chi ruyamanda ac muyuta micushaga huañunguichimi nira.

Shuc angelga Diospa cuntar tucura. Chi mana ali angelga Satanas Supai nishca man.

Supaiga mana munarachu paiguna Jehovata cazunata. Paluta rimachisha Evata llullasha nira, mana micuna nishca muyuta micushaga mana huañunguichichu. Chita micushaga Dios shina tucunguichi nira (Genesis 3:​1- 5; 1 Timoteo 2:14).