Charishcaguma rina

Yachana partita ringahua

 TAPUI 3

Imasata ñuca yayagunahuan alita cuintanacusha

Imasata ñuca yayagunahuan alita cuintanacusha

IMARAICUTA BALISHCA AN

Camba yayagunahuan alita apanacushaga mas cushi causangui.

CAN IMATA RANGUIMA

Caita yari: Guillermoga 17 huatata charin. Miercoles chishi man. Paiga debergunata ña tucuchishcami. Cunanga samasha nisha televisionda apichisha siririn.

Cungaimanda, paiba yaya piñarishca shina shamun.

“Guillermo, televisionhuan tiempota pirdina randiga camba huauquihuata deberta yanapagri. Imahuata mana cazuc angui”.

Guillermoga piñarisha nin: “Cuti rimahuangaraun”.

Piñarisha paiba yaya nin: “Imasá, cuti rimahuai”.

Guillermoga mana ali ñahuihuan ricusha, “mana imahuas” nin.

Pai yayaga piñarisha, “ama chasna rimahuaichu” nin.

Guillermo ashaga, imatata rangui mara.

ALITA PINSARI

Autuhuan riushcaibi, carretera tapashca acpiga imatata ranguima. Manachu shuc carreterata ringuima. Chasnallatami, camba yayagunahuan imasa cuintanacunata mascana angui.

 POR EJEMPLO:

Lidia nin: “Ñuca yayahuan mana cuintanacunata ushac chani. Imasaibiga paita imatas cuintashca huasha, ‘mana uyaranichu, imatata cuintaurangui, nihuac an’”.

LIDIAGA IMATASHI RANGA

  1. Pai yayahuan piñaringachu.

    Lidia piñarisha nin: “Uyahuai. Mana yangachu rimauni”.

  2. Chunllachu saquiringa.

    Lidia paihua yayata mana mas rimashachu nin.

  3. Huashachu rimanga.

    Lidia pai llaquigunamanda, huasha yayata cuintana ushan.

Lidiata imatashi rai ninguima

CAITA YARI: Lidiahua yayaga shuc cosasgunaibi pinsariushami mana uyashca. Lidia pai yayahuan piñaricpiga imahua piñarishcata mana intindingachu. Casna piñaricpi Lidiahua yaya mana uyanmachara. Caita rashaga paihua yayata mana respetashcata ricuchinga (Efesios 6:​2). Caiga ishcandiraicu mana ali chan.

Ñambi taparishca acpiga shuc ñambita mascanguima. Chasnallata, camba yayagunahuan alita pinsarisha imasa cuintanacunata yuyari.

Cai chunlla saquirina yuyai ali shina ricuricpihuas, mana ali chan. Lidiaga paihua problemagunata alichingahua, paiba yayahuan cuintana an. Yayaga yanapangahua ima tucushcata yachana man. Chunlla saquirinaga mana yanapangachu.

Randi, tucuri yuyaibi huasha rimasha nishcaga cuintanacunata mana saquichingahua yanapan. Huasha cuintanacusha nisha saquin. Lidia munashaga cartaibi pai imasa sintirishcata quillcasha rimana ushan. Chasna rashachari alita sintiringa.

Lidia cartata quillcanaga alita sintiringahua yanapangachari. Lidiahua yayaga, cartata leisha ali intindinga. Chita racpiga Lidiaraicu, paiba yayaraicu ali manga. Ishcandi cuintanacusha, cartata quillcashahuas, Bibliaibi “shuccunahuan alita causanatami yuyarisha causashun” nishcata pactachinga (Romanos 14:19).

Lidiaga ima masta rana ushan

Can imata rasha nisha pinsashcata, huaicuibi quillcai. Chasnallata ima tucunatas quillcai.

 ALITA YUYASHA RIMAI

Yuyai: imasaibi, yayagunaga can rimashcata mana pagllaibi intindingaunachu.

POR EJEMPLO:

Piñarishca aucpi, yayaguna imata tucungui nisha tapunaun. “Mana imahuas” nisha cutichingui.

Camba yayagunaga intindinaunzhari: “Ñuca yayaguna mana yanapangachu. Ñuca amigogunallahuanmi cuintasha” nishcata.

Ashca problemai ausha yuyari. Camba yaya canda yanapanata munacpi, can ningui: “Mana imahuas chan, ñuca imata ranata ricusha”.

  • Camba yayagunaga caitachari intindingauna:

  • Caita rimacpi ali anga: