Charishcaguma rina

Yachana partita ringahua

 TAPUI 4

Pandarishaga imata rasha

Pandarishaga imata rasha

IMARAICUTA BALISHCA AN

Can pandarishcata intindishaga pactachic quiribaglla runa angahua yanapai tucungui.

CAN IMATA RANGUIMA

Caita yari: Toniga pai amigogunahuan pugllaun. Cungaimanda, shuc autu ventanata pelotahuan paquin.

Toni ashaga imata ranguima.

ALITA PINSARI

IMATATA RANGUIMA:

  1. Atiun callpana.

  2. Shucta culpana.

  3. Autu amuta ima tucushcata cuintasha pagasha nina.

Punda rimashcatachari anllasha ningui. Chasna ashahuas ima mana alita rashaga pandarishcata pagllai rimana mas ali an.

 IMARAICUTA PANDARISHAGA RIMANA ANGUI

  1. Caita rana ali an.

    Bibliaga nin: “Ñucanchi tucui uras alita rasha nisha munac ashami ali yuyaihuan causaccuna anchi” (Hebreos 13:18).

  2. Can pandarishcata rimacpiga shuccuna perdonai tucunguichari.

    Bibliaga nin: “Chiraicu canguna juchata rashcagunata pariu rimanacuichi” (Santiago 5:16).

  3. Caita racpiga Jehova cushiyangami.

    Bibliaga nin: “Yapacta mana alita rac runagunata Jehovaga millanmi. Randi tucuita alita rac runagunahuan paiga amigo man” (Proverbios 3:​32).

Estados Unidos llactamanda Karina 20 huatata charic. Pai autuhuan yapacta callpaucpi multai tucura. Chita pai yayata mana cuintara. Chasna ashahuas, unaita mana pacana usharachu. Paiga nin: “Shuc huata huasha, aututa multashcata ñuca yaya musiara. Chiraicu piñahuara”.

Caimanda imata yachanchi. Karina nin: “Pandarishcata pacanaga mana ali chan. Pacashaga cungaimanda problemai urmangui”.

CAN PANDARISHCAMANDA YACHAI

Bibliaga nin: “Tucui ñucanchi ashca cutin pandarinchi” (Santiago 3:​2). Caibi yachashca shina, pandarishcata ucta rimanaga pactachic, quiribac runa ashcata ricuchin.

Cunanga can pandarishcamanda yachana mangui. Shuc malta Vera nishca casna nin: “Pandarishaga chimanda imata yachanata ricuni. Chasnallata imasa mana chillatata ranata pinsani, chasnami huashaibi chillahuanda tuparishaga imata ranata ña yachasha”. Can imata ranguima.

Camba yayahua bicicletata paquishaga, Imata ranguima

  • Mana rimasha; manachari musiangachu.

  • Tucuita rimasha.

  • Tucuita rimashahuas shucta culpasha.

Mana estudiashcamanda examenda mana alita rangui. Imatata ranguima

  • Mana ushaibac examen mara nisha.

  • Mana estudiashcamanda mana ushashcata rimasha.

  • Profesormi piñahuan nimachu.

Ima mana ali rashcagunata cuti cuti yuyarinaga aututa manejausha espejollai ricuuna shina man.

 Cai ishcai ejemplogunata pinsashaga canba yaya canba profesor ashcata shina pinsari. Shugrailla can pandarishcata rimacpiga imatata ningauna. Pacacpiga canmanda imatata ningauna.

Cunanga ultimo huatai mana alita rashcata pinsasha cai tapuigunata cutichi:

Imaita pandarirangui. Imatata rarangui

  • Pacasha nirani.

  • Shucta culparani.

  • Chi ratu cuintarani.

Pandarishcata mana rimashaga imasata sintirangui

  • Ñuca munashcata rasha, alita sintirini.

  • Mana alita sintirirani. Imahuashi mana sirtuta rimarani.

Imata mas ali an mara

Can pandarishcamanda imata yachangui

IMATA NINGUIMA

Imaraicuta sirtuta rimana sinzhi an.

Pandarishcata tucui uras pacacpiga, runaguna canmanda imatata pinsangauna. Chasnallata pandarishcata rimacpiga runaguna imatata pinsangauna (Lucas 16:10).