Charishcaguma rina

Yachana partita ringahua

 TAPUI 10

Bibliata yachana yanapahuangachu

Bibliata yachana yanapahuangachu

IMARAICUTA BALISHCA AN

Bibliaga nin, “Diosllata paihua runagunata yuyachisha quillcachira”. Caita yachasha Biblia Diospa shimi ashcata yachanchi (2 Timoteo 3:16). Cai sirtu acpiga Bibliaga canda yanapangami.

CAN IMATA RANGUIMA

Caita yari: David shuc llactaibi ansa tuta puriun. Ansa ashcamanda maibi aushcata mana yachan. Chimandami, pandarishca ashcata musiarin. Ansa ashcamandachari chican ñambita apisha pandarira.

David ashaga imata ranguima.

ALITA PINSARI

Imatashi ranguima:

  1. Maita ñambi ashcata tapusha.

  2. Linternata apichisha.

  3. Ñambita tupashachari nisha purisha catisha.

Ultimuibi rimashcata rana mana balinzhu.

Randi, linternata apinami tapunamandas mas ali anga. Imaraicu. Linternaga can purisha callarishcamandami maita ñambi ashcata ricuchisha pushanga.

Bibliaga casna shinami yanapai tucungui.

Huin librogunamandas mas ali libroga casnami yanapanga:

  • Llaquigunai aushcai yanapanga.

  • Can amullata ricsingahua, ali shungu runa angahua yanapanga.

  • Imasa ali causanata yachachin.

 CAUSAIMANDA MINISHTIRISHCA TAPUIGUNATA CUTICHISHCA

Huahuaguna rimangahua callariushaga ashca tapuigunatami ranaun:

  • Cielo huashamaga imashi tian.

  • Estrellagunataga imata chariun.

Huiñashaga cai munduibi ima tucushcata ricusha tapurinchi:

Cai tapuigunata Biblia cutichin.

Ashca runaguna ninaun Bibliaibiga yanga rimashca cuintuguna tiyan. Callari timpu runagunaraicu man. Mana intindibaglla chan nisha. Chiga, sirtu chan. Runaguna Bibliamanda yuyashcaga sirtu chan.

Runagunaga yuyanaunmi Bibliaibiga ninmi Diosmi cai munduta mandaun nisha. Chiga, sirtu chan. Cai munduibiga yapa turmintu causana man. Tucui partibimi ricunchi turmintugunata, nanaigunata, ungüigunata, huañuigunata, pugrigunata, llaqui causaitas ricunchi. Runagunata llaquic Diosca cai turmitugunamanda culpayuc chan.

Cai munduta pi mandaushcata yachana munanguichu. Biblia nishcata yachashaga mana chasna chashca ninguimi.

Cai quillca, Bibliamanda apishcata musiaranguichari. Jehovahua Testigogunaga Biblia yanapashcata sirtu quirinaun. Imaraicu. Bibliaga ninmi “Diosllata paihua runagunata yuyachisha quillcachira tucui paihua shimita. Chi shimi balinmi ali purinata yachachingahua. Paihua shimimanda ñucanchi jucha rashcatas yachanchi. Ñucanchi pandacpi Diospa shimi pasacta yachachin imasna ñucanchi alichinata” (2 Timoteo 3:​16, 17). Callari timpumanda libro ashahuas cunan timpuibihuas yanapai tucunguimi. Chiraicumi, cai libromanda yachana angui.