Charishcaguma rina

Yachana partita ringahua

 PUNDA PARTI

Cari, huarmi cushi causangahua Diosma caillayaichi

Cari, huarmi cushi causangahua Diosma caillayaichi

“Diosca caritas huarmitas rashcami” (Mateo 19:4).

Jehova * Diosmi punda carita huarmita cadsarachira. Bibliaga ninmi Diosmi punda huarmita rasha “carima cura”. Cushiyasha Adan nira: “Cai man ñuca tullu, ñuca aicha” (Genesis 2:22, 23). Jehovaga cunangama cadsarashcaguna cushi causanata munan.

Cunanlla cadsarashcaibi, casnallachari cushi causasha ninaun. Chasna ashahuas yapa llaquinacuc cari huarmigunas piñanacunaunmi (1 Corintios 7:28). Cai quillcaibimi Biblia cunaigunata tupangui, chita pactachishaga cadsarashcaguna, aillundi cushi causangauna (2 Timoteo 3:16, 17).

 1 JEHOVA NISHCATA PACTACHI

BIBLIAGA NINMI: Cariga aillugunahua uma shina acta (Efesios 5:23).

Can huarmiyuc acpiga Jehova munanmi camba huarmita llaquisha cuiranata (1 Pedro 3:7). Paiga canda yanapacta rara, chiraicu llaquisha cuirana angui (Genesis 2:18). Camba huarmita llaquisha mana can munashcallata rana changui (Efesios 5:25-29).

Can cariyuc acpiga Jehova munanmi camba carita uyasha cadsunata, sallata carita ima ranaibis pactachingahua yanapai (1 Corintios 11:3; Efesios 5:33). Ima ranaibihuas camba carita cushiyasha yanapangui (Colosenses 3:18). Chasna rashami camba carihua ñaupacpi, Jehovahua ñaupacpihuas ali ricuringui (1 Pedro 3:1-6).

CAITA RAI:

  • Mas ali cari, mas ali huarmi angahua imata rana ani nisha tapui. Imata rimacpiga pactachina yuyaihuan uyai

  • Chapanguilla unaimami alita apanacunguichi

2 CARI HUARMI MUNASHCATA YUYAI

BIBLIAGA NINMI: Mana can munashcallata rana changui (Filipenses 2:3, 4). Jehovaga munanmi cariyuc, huarmiyuc ashaga llaquinacusha causanata (2 Timoteo 2:24). Alita yuyarisha rimai. Bibliaga ninmi: “Ama ima jiridsa shimigunatas rimanguichichu astahuanbas ali shimigunallata rimaichi” (Efesios 4:29). Jehovahua samai yanapanga sumacta llaquisha rimangahua (Gálatas 5:22, 23; Colosenses 4:6).

CAITA RAI:

  • Cari ima rimashcata, huarmi ima rimashcatas alita uyasha mana piñanacungahua Diosta mañai

  • Mana cuintanacushallata imatata rimasha, imasata rimasha nisha alita yuyai

 3 SHUGLLA SHINA YUYANA MANGUICHI

BIBLIAGA NINMI: Cadsarashca huashaga, “shuc aichalla” shinami tucun nisha (Mateo 19:5). Chasna ashahuas chican chican yuyaita charisha catinaun. Chiraicumi ima yuyashcaibi, ima munashcaibi pariu angahua yachana anguichi (Filipenses 2:2). Imatas alita rangahua ishcandi casna rashun ninaga ali man. Pariulla imatas rangahua Bibliaga ninmi: “Cunashcata uyashcamandami imata rasha nishcagunahuas alita llucshin” (Proverbios 20:18). Ishcandi imata rana nishca ashaga Biblia cunashcata pactachichi (Juan 13:17).

CAITA RAI:

  • Ama yangata cuintanacuichichu; canguna mas ali causangahua cuintanacuichi

  • Imatas mana rashallata ishcandi cuintanacuichi

^ par. 4 Bibliaga Diospa shutita Jehova ninmi.