Testigo de Jehovacunaca, matrimoniomanda, divorciomanda imata decidina cashpapash Bibliapi consejocunata catishpami decidin. Taita Diosmi matrimoniotaca churarca. Taita Diosca cusahuarmicuna igual causachunmi munan. Solamente huarmi o cusa cazarashca jipa shujhuan relaciones sexualesta charijpillami, Bibliapi nishca shinaca divorciarita ushanman (Mateo 19:5, 6, 9).

Cusahuarmicuna problemacunata charijpica ¿testigo de Jehovacunaca ayudanllu?

 Ari ayudanmi. Cai ayudacunami tian:

•   Publicacionguna. Ñucanchi publicaciongunaca cusahuarmicuna ashtahuan ali causachun, hasta problemacunata charij cusahuarmicunapash ashtahuan aliguta intindirishpa ali causachunmi ayudan. Imashina ayudashcataca cai cati temacunapi ricupai “Cómo fortalecer el sentido del compromiso en el matrimonio”, “Cómo perdonar” y “Cómo recuperar la confianza perdida”.

•   Reunionguna. Cada semana reuniongunapi, asambleacunapimi casadocunaman Biblia ima consejocunata cujta yachajupanchi.

•   Ancianocuna. Congregaciongunata ñaupaman pushajcuna o ancianocunaca, Efesios 5:22-25 textocunamanda y shuj textocunamandapash parlashpami cusahuarmicunataca ayudaita ushan.

Shuj testigo de Jehová divorciaringapaj munanajushpaca ¿ancianocuna aprobacionda cujpichu divorciarita ushan?

 Na. Ancianocunaca cusahuarmicunataca paicunapa problemacunata solucionachun ayudanmi. Pero paicunata divorciari o na divorciari nina derechotaca na charinllu (Gálatas 6:5). Shinapash, Bibliapica divorciaringapaca shujlla razonmi tian nijunmi. Chai razonda na charishpata divorciarishpaca, Bibliapi nishca requisitota pactachishpa shujhuan cazaraitaca na ushangachu (1 Timoteo 3:1, 5, 12).

Separarinamandaca ¿imatata yuyan?

 Bibliapica problemacuna tiajpipash, igualmi cashpa catina canguichi nishpami consejan (1 Corintios 7:10-16). Ashtaca problemacunataca Taita Diosta mañashpa, Bibliapi consejocunata pactachishpa y cusata o huarmita juyashcata ricuchishpami arreglaita ushan (1 Corintios 13:4-8; Gálatas 5:22).

 Shinapash huaquin cristianocunaca, na solucionai ushanalla problemacuna ricurijpimi mejor separarinata decidishca. ¿Ima razongunamandata huaquingunaca separarinata decidishca? Ricupashun:

•   Familiata na mantiningapaj munajpi (1 Timoteo 5:8).

•   Ninanda macashpa maltratajpi (Salmo 11:5).

•   Taita Diosta catichun nimamanda na saquishpa jarcaicunata churajpi. Por ejemplo. Huaquin cusa o huarmica Taita Diospa mandamientocunata ama cazuchunmi obligangapaj munan. Chaimi chai cristianoca separarishpallami ‘gentecunata cazunapa randica, Taita Diosta pundapica cazui’ ushana cani nishpa separarinata decidin (Hechos 5:29).