Bibliata ashtahuan cushijushpa liingapaca quiquinllatami yachajuna munaihuan liina capangui. Quiquin gushtashcashna Bibliata liichunga cai yuyaicunami ayudanga. Ricupashun.

Cunanbi intindirinalla traduccionda mascapangui. Bibliata liijushpa na intindirinalla shimicunata tarishpaca, liinatapash quillanayachinguimi. Chaimandami cunanbi intindirinalla shimicunata charij Bibliata mascana capangui. Chaimi shunguman chayanga. Shinallata cabalta yachachijuj, rijsishca Bibliami cana can. *

Cunanbi llujshishca aparatocunata utilizapangui. Cunanbica, Bibliaca hojacunapi imprimishca cashpa o formato electrónico nishcapipashmi tian. Chaimandami Internetpi liingapaj, computadorapi, tabletpi, celularpi descargaitapash usharin. Huaquin Bibliacunaca shuj textota liijushpa shuj shuj traducciongunahuan chimbapurashpa ricungapaj o shuj textocuna imata nijujta ricungapaj ayudacunatami charin. Shinallata liijunapa randi uyangapaj munashpaca Bibliaca grabashcapashmi tian. Huaquingunaca trabajoman buspi rijushpa, tagshajushpa, imacunatapash rurajushpami Bibliata uyanata gushtan. ¿Quiquinga Bibliata liinata o grabashcata uyanatachu gushtapangui?

Bibliamanda ashtahuan informacionda mascapangui. Bibliamanda ashtahuan yachachijuj librocuna, folletocunaca Bibliata liishpa quiquin ashtahuan yachajuchunmi ayudanga. Por ejemplo,  Bibliapi parlashca pushtucunamanda mapa nishca dibujocunami tian. Chaicunaca imata liijushpapash chai pushtucuna maipi cashcata yachachun, chai pushtupi cashpa imashina sintirishcata pensarichunmi ayudanga. Shinallata cai revistapi o Internetpi jw.org paginapi “Enseñanzas bíblicas” nishcapi llujshishca huaquin temacunaca, Bibliamanda textocunata liijushpa ashtahuan ali intindichunmi ayudanga.

Imashina liinataca quiquin agllapangui. Bibliata callarimanda, tucuringacaman liina shinlli ricurijpica, imatapash ashtahuan gushtashcata liishpami cushijushpa liingui. Bibliapica ashtaca huarmicunamanda, jaricunamandami parlan. Pimandapash ashtahuan yachajungapaj munashpaca shugu shugumi paicunamanda liinalla capangui. Shinallata ima tematapash agllashpa o fechacunata ricushpapash liinallami capangui. “ Bibliapi parlashca jaricunamanda, huarmicunamanda yachajupai” nishca recuadropimi paicunamanda yachajupangui.

^ par. 4 Bibliata liijcunamanda ashtaca gentecunaca Traducción del Nuevo Mundo de las Santas Escrituras Bibliaca intindirinalla, cabalta yachachij Bibliami can nishcami. Chai Bibliataca testigo de Jehovacunami llujchishca, 130 yali idiomacunapimi tian. Internetpi jw.org paginapi o JW Library nishca aplicacionbipash descarganallami capangui. O huasipi Bibliata charingapaj munashpaca testigo de Jehovacunata mañapanguilla.