Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 CALLARI TEMA | TUCUICUNAMI BIBLIATACA INTINDI USHANCHI

Bibliata liinaca ¿alichu can?

Bibliata liinaca ¿alichu can?

China llactamanda Lin shutica ninmi: “Bibliaca Taita Diosmanda parlaj libromi can. Ashtacacunami rijsin. Shinapash China llactamandaca na imatapash parlanllu” nishpa.

India llactamanda Amit shutica ninmi: “Ñucapa hindú religionmanda parlaj librocunatapash na intindishpaca maitashi Bibliataca intindi ushasha” nishpa.

Japón llactamanda Yumiko shutica ninmi: “Bibliataca punda tiempo libro cashcamandami respetani. Mundo enteropi ashtaca gentecuna chai librota randishca cajpipash ñucaca na ima horapash ricushcanichu” nishpa.

Mundo enteropi gentecunami Bibliamanda ashagutalla o nimata na yachashpapash Bibliataca respetan. Asia llactacunamanda ashtaca millón gentecunapash, Bibliata charij llactacunapi gentecunapashmi Bibliataca respetan.

Shinapash quiquinga tapuripanguipashchari: “¿Imapata Bibliataca liisha? nishpa. Shina pensajpipash Bibliaca cashna causachunmi ayudai ushan:

  • Cushilla causachun

  • Familiahuan ali causachun

  • Llaquicunata chimbapurachun

  • Shujcunahuan ali causachun

  • Culquita aliguta pactachichun

Huaquin ejemplocunata ricupashun: Japón llactamanda Yoshiko shuti huarmiguca Bibliapi imata nijujta yachangapaj munashpami paillata Bibliataca lii callarirca. Paica ninmi: “Bibliami ñucataca ñuca causaipi imata ruranata yachachun, shamuj punllacunapi ali causai tianata yachachun ayudahuashca. Ñana pundashnachu causani” ninmi. India llactamanda Amit runagupash paillata Biblia ima nijta yachangapami munarca. Paica ninmi: “Bibliata liishpaca manllarircanimi. Bibliapi yuyaicunaca mundo enteropi gentecunapami ali cashca” nishpa.

Bibliami ashtaca millón gentecunataca ali causachun ayudashca. Quiquinbash Bibliata liishpa, quiquinba causaipi imashina ayudajta ricushpaca alimi capanman.