Kenia llactamanda Samuelca * ninmi: “Apostashpa pugllanatami ninanda gushtan carcani. Chaimandami, ashtaca culquita ganangapaj munashpa oracionda ruran carcani. Shinapash nunca na ganarcanichu” nishpa.

Filipinas llactamanda Teresaca ninmi: “Escuelapica imacunatapash rezanata yachajushpami chaitallata chaitallata rezana carcanchi” nishpa.

Ghana llactamanda Magdaleneca ninmi: “Llaquicunahuan cashpa, juchacunata perdonachun munashpa, ali crij cangapami oracionda rurani” nishpa.

Samuel, Teresa, Magdalenepa nishcacunata ricushpaca, shuj shuj cosascunamanda gentecuna oracionda rurajtami ricunchi. Huaquingunaca aliguta, shujcunaca tucui shunguhuan, cutin shujcunaca chaitallata chaitallata o yangata imacunatapashmi mañan. Huaquingunaca shuj equipo ganachun, examenda yalingapaj, familiapi ali cangapaj o imamandapash oracionda rurana munaitami charin. Ashtahuanbash, huaquingunata tapujpica religionda na catijcunapashmi oracionda ruranchi nin.

Quiquinga ¿oracionda ruranguichu?, ¿imatata mañapangui? Oracionda rurashpa o na rurashpapash cashnachari tapuripangui: Oracionda ruranaca ¿imapapash ayudanllu? ¿Pipash uyanllu? nishpa. Shuj escribij runaca nircami, oracionda ruranaca “ali sintiringapaj jambi cuendallami can” nishpa. Huaquin doctorcunapash shinallatami yuyan. Chaimandami oracionga shuj jambi cuendami can nin. ¿Imatata quiquinga nipanguiman? Gentecunaca ¿costumbremandalla o ali sintiringapallachu oraciondaca ruran?

Bibliapica na shina yachachinllu. Chaipa randica ninmi, Dios munashcashna ali munaihuan mañajpica uyanmi nishpa. Chaica ¿ciertocha can? Huaquin yuyaicunata ricupashun.

^ par. 3 Huaquin shuticunataca cambiashcanchimi.