Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Villajun revista  |  Mayo de 2015

Bibliamanda Tapuicuna

Bibliamanda Tapuicuna

Juicio punllaca ¿imata can?

Juicio Punllaca ¿imata can?

Ñaupa punllacunapica paipa llactata shujcuna ama llaquichichunmi Taita Diosca juez nishcacunata churarca (Jueces 2:18). Bibliapica shamuj punllacunapi shuj Juicio Punlla tianatami parlan. Chai tiempoca cushillami canga. Chai tiempopimi ashtahuan jatun juez Jehová Diosca gentecunata llaquicunamanda salvanga. (Salmo 96:12, 13; Isaías 26:9, liipangui.)

Jehová Diosca Jesusta juez cachun churashpami causajcunatapash huañushcacunatapash juzganga (Hechos 10:42; 17:31). Jesusca Juicio Punllapimi Jehová Diosta na rijsi ushashpa huañushcacunataca causachinga. Shinami paicunapash causarishpa Jehová Diosta rijsishpa juyai ushanga. (Hechos 24:15, liipangui.)

Juicio Punllaca ¿mashna tiempotata paranga?

Bibliapi nishca shinaca Juicio Punllaca huaranga huatacunatami paranga. Chai punllapica huañushcacunapash causarishpami Taita Diosta rijsishpa, paita cazungapaj imata rurana cashcatapash yachajui ushanga (Apocalipsis 20:4, 12). Ashtaca gentecunaca crinmi, Taita Diosca cunanbi imata rurashcata ricushpami juzganga nishpa. Shinapash Bibliapica yachachinmi, huañushcacuna causarishca jipa imata rurashcata ricushpami Taita Diosca juzganga nishpa. (Romanos 6:7, liipangui.)

Bibliapica huaranga huatacuna nara callarijpillata shuj juicio punlla cungashcapi chayamunatapashmi parlan. Imashinami cai revistapa callari temacunapi ricurcanchi, chai punllatami fin nin. Chai juicio punllapimi Taita Diosca nali gentecunata tucuchinga (2 Pedro 3:7). Chaimandami Taita Diosta tucui shunguhuan juyashcata ricuchina canchi. (2 Pedro 3:9, 13, liipangui.)