Noticiacunata ricujpica huaquin religiongunaca Taita Diosta sirvinchi nishpa ashtaca nali cosascunatami ruran. Taita Diosca na tauca religiongunata churarcachu (Mateo 7:15). Mundo enteropi gentecunaca pandarishpami causanajun. (1 Juan 5:19, liipangui.)

Shinapash Taita Diosca picuna tucui shunguhuan sirvingapaj munanajujta, picuna alita rurangapaj munanajujtaca ricujunmi (Juan 4:23). Chaimandami Bibliapi yachachishcacunata aliguta yachajuchun munan. (1 Timoteo 2:3-5, liipangui.)

Jehová Diosca Bibliahuan cabalta yachachishpa, tucuicunahuan juyarinata yachachishpami, shuj shuj religionda charishca gentecunataca shujlla shina tandanajuchun ayudajun (Miqueas 4:2, 3). Shinaca picuna ali religionda catinajujta yachangapaca shuj religionda catijcuna imashina tratarijtami ricuna canchi. (Juan 13:35, liipangui.)

Ali religionda catijcunaca Bibliapi ima nishcata crishpami cazun (2 Timoteo 3:16). Taita Diospa shutitapash respetanmi (Salmo 83:18, NM). Ashtahuangarin, Taita Dios mandajpillami ali causashun nishpami villachin (Daniel 2:44). Gentecunata Jesushna ayudashpami michagushna brillanajun (Mateo 5:16). Chai gentecuna picuna cashcata yachangapaca pensaripai ¿picunata Taita Dios mandajpica ashtaca bendiciongunatami charishun nishpa gentecunataca visitan? (Mateo 24:14; Hechos 5:42, 20:20 liipangui.)