Agllashca temata ricungapaj

Ir al menú secundario

Temacunata ricungapaj

Testigo de Jehovacuna

quichua (imbabura)

Villajun revista  |  Núm. 4, 2017

Hebreo shimipi Diospa shuti Jehovata, Tetragrámaton nishcapica (ali ladomanda, lluqui ladomanmi liina can)

Hebreopi uchilla letrapash Diospa nishcapi crichunmi ayudan

Hebreopi uchilla letrapash Diospa nishcapi crichunmi ayudan

¿Taita Dios paipa nishcacunata pactachinataca tucui shunguhuanllu crinchi? Jesusca tucui shunguhuanmi crirca. Shinami paipa yachachishcacunahuan shujcunapa feta shinlliyachirca. Mateo capítulo 5manda, 7​caman Jesús yachachijushpaca shuj chimbapuraitami churarca. Mateo 5:18​pica ninmi: “Na llullashpami, cangunataca cashna nini: Jahua pacha, cai pacha tucuringacamambash, mandashca shimicunaca shuj puntollapash, shuj tildellapash na anchuringachu”. Tucuillami pactaringa nishpa.

Hebreo shimi alfabetopi ashtahuan uchilla letraca caimi can י (yod), Tetragrámaton nishcapi Diospa shuti Jehovata escribishpaca chai letratami callaripica churashca. * Escribacuna, fariseocunaca Diospa Leyta escribishcacunata o imata ricunajushpapash ima shimi, “ima letracunalla escribishcataca tucui tucuitami ricun carca”.

Jesusca nijurcami jahua pacha, cai pacha tucuringacamambash, Diospa Leypi nishcacunaca shuj puntollapash, shuj tildellapash na anchuringachu. Tucuillami pactaringa nishpa. Bibliapipashmi cashna nin, Alpapash cielopash para siempremi tianga nishpa (Salmo 78:69). Jesús chai shimicunata nishpaca Diospa Leypi nishcacunaca tucui tucui pactarinatami intindichijurca.

¿Jehová Diospaca shina uchilla cosascunapash importantechu can? Ari, importantemi can. Pensaripai, israelitacunataca mandarcami, pascua punllapi huañuchishca llamagupa ‘tullutaca ni shujta na faquinachu canguichi’ nishpa (Éxodo 12:46). Cai mandashca shimicunaca imapash na importante shinami ricurin. ¿Imamanda llamagupa tullucunata na faquina cashcataca israelitacunaca intindircachu? Tal vez na ali intindishcangachu. Shinapash Jehová Diosca alimi yacharca chai shimicuna jipa punllacunapa shuj profecía cashcata. Chai profeciapica ninmi: Jesús racu caspipi huañujpica ni shuj tullullapash na faquishcachu canga nishpa (Salmo 34:20; Juan 19:31-33, 36).

Jesús yachachishca shimicunaca, Jehová Diospa nishcacuna tucuilla pactarina cashcata tucui shunguhuan crichunmi ñucanchitapash ayudan. Imashinami ricunchi, hebreo shimimanda uchilla letrapashmi Diospa nishcacuna pactarinata crichun ayudan.

^ par. 3 Griego shimi alfabetopi ashtahuan uchilla letraca caimi can  ɩ  (iota). Cai letraca hebreo shimipi cai letrahuan  י (yod) casi igualmi can. Moisesman cushca Leytaca hebreo shimipimi escribishca carca. Shinaca Jesusca hebreo shimipi escribishca letramandami parlajushcanga.