Agllashca temata ricungapaj

Temacunata ricungapaj

Jesusca tucurimui punlla chayamunamandaca ¿imatata nirca?

Jesusca tucurimui punlla chayamunamandaca ¿imatata nirca?

Bibliapica tucurimui punlla chayamunamanda parlashpaca, cai alpata tucuchishpa saquinata o cai alpamanda tucuilla gentecunata tucuchishpa saquinataca na nijunllu. Más bien cai alpamanda nali gentecunata, nali cosascunata tucuchishpa saquinatami nin. Shinapash Bibliapica imahora chashna pasanataca ¿villanllu?

JESÚS PARLASHCA CAI ISHCAI YUYAICUNAPI PENSARIPASHUN:

MATEO 25:13pica ninmi: “Ñuca ima punlla, ima hora shamunatapash na yachanguichi. Chaimandami, na puñushpa chapariana canguichi”.

MARCOS 13:33pica ninmi: “Ricuichi, ima punllacuna chashna tucunata na yachaimandami, na puñushpa chapariashpa, Diosta mañashpa causana canguichi”.

Imahorapacha cai mundo tucurinataca pipash na yachanchichu. Shinapash chaipaca Taita Diosca ñami shuj punllata agllashcata charin (Mateo 24:36). Shinapash tucurimui punlla ña chayajushcataca ¿yachai ushapanchichu? Ari, porque Jesusca paipa discipulocunahuan parlajushpaca, cai alpapi shuj shuj cosascuna pasajujta ricushpami tucurimui punlla ña chayajushcata yachai ushanguichi nishpa villarca.

¿IMA SEÑALCUNATA TIANA CARCA?

Jesusca último punllacunapi ima señalcuna tianamanda parlashpaca cashnami nirca: “Shuj llactapi mandajcunahuan, chaishuj llactapi mandajcunahuanmi macanajunga. Llactacunata jatun mandaj puracunapash macanajungami. Shinallata jatun ungüicunapash, ninan yarjaipash, alpa mama cuyushpa tucuchijuipash, shuj shuj llactacunapimi tianga” nishpa (Mateo 24:3, 7). Shinallata “millai ungüicunapash” tianga nircami (Lucas 21:11). ¿Jesuspa nishcacunaca pactarijunllu?

Cunan punllacunapica, ashtaca gentecunami guerracunamanda, yarjaimanda, terremotocuna tiaimanda y ungüicuna tiaimandaca ninanda sufrinajun. Por ejemplo, 2004 huatapica Océano Índico pushtupi shuj terremoto tiashcamandami mar yacucunapash jatarishpa más o menos 225 mil gentecunata huañuchirca. Cutin 2019 y 2020​pica Corona virus enfermedad ricurishcamandaca 2,6 millones yali gentecunami mundo enteropi huañushca. Jesusca cashna llaquicunata ricushpami tucurimui punlla ña chayajushcata yachanguichi nircami.

 ‘TUCURIMUI PUNLLACUNA’

Bibliapica nara tucurimui punlla chayamujpillata huaquin cosascuna shuj tiempopi pasanatami villan. Y chaitami ‘tucurimui punllacuna’ nishpa Bibliapica yachachin (2 Pedro 3:3, 4). Shinallata tucurimui punllacunamanda parlashpami Bibliapica 2 Timoteo 3:1​manda-5​camanga nali gentecunami ashtahuan mirarishpa catinga ninmi (“ Tucurimui punlla nara chayamujpillata” nishca recuadrota ricupangui). Cunan punllapi gentecunaca paicunalla ali cangapaj munajcuna, nali millai gentecuna, chariyangapaj munajcuna, shujcunatapash nali tratajcunami tian. Chashna clase gentecuna tiashcataca ¿ricupashcanguichu? Chashna nali gentecuna tiashcata ricushpapashmi, tucurimui punlla ña chayajushcata cuenta japipanchi.

Shinaca tucurimui punllacunaca ¿mashna tiempotashi paranga? Bibliapica asha tiempotallami paranga ninmi. Chaipimi Taita Diosca “cai pachata tucuchijcunata” tucuchinga ninmi (Apocalipsis 11:15-18; 12:12).

 CAI ALPACA ÑALLAMI SHUJ PARAÍSO TUCUNGA

Taita Diosca cai alpamanda nali gentecunata, nali cosascunata tucuchishpa saquina punllataca ñami agllashcata charin (Mateo 24:36). Shinapash Taita Diosca “shujllapash ama chingaita chingagrichunmi” munan ninmi (2 Pedro 3:9, TNM). Chaimandami Taita Diosca cunanbica tucui gentecuna paita rijsi ushachun, paita cazuchun oportunidadta cujun. Ashtahuanbash Taita Diosca tucuilla gentegucuna salvarishpa, cai alpagu shuj paraíso tucujpi tucuicuna cushilla causachunmi munan.

Taita Diosca aliguta organizashpami mundo enteropica tucuilla gentegucuna Bibliamanda yachajuchun, shinallata Bibliagumanda yachajushpa, paipa gobiernopi Paraíso alpagupi causai ushangapaj imata rurai ushashcata yachachishpami ayudajun. Jesusca, Diospa Reinomanda o Gobiernomanda ali villaigucunaca “cai pachapi tiaj tucui llactacunapi causajcuna yachachunmi villanajunga” nircami (Mateo 24:14). 2019 huatapica, Testigo de Jehovacunaca mundo enteropimi 2 mil millones yali horascunatami, gentegucunaman ali villaigucunata villachishpa y yachachishpa gentecunataca ayudanajushca. Jesusca cai tucuri punlla nara chayamujpillatami Diospa Reinomanda o Gobiernomanda ali villaigucunata mundo enteropi villachinajunga nircami.

Shinaca cai alpamanda gobiernocunaca asha tiempotallami mandashpa catinajunga. Shinapash ñucanchi cai tucurimui punllapi salvarishpa Paraíso alpagupi cushilla causanata yachashpaca ninandami cushijupanchi. Cati temapica Paraíso alpagupi causangapaj, ñucanchi imata rurana cashcatami yachajupashun.

‘Tucurimui punllacunamanda’ Jesús parlashca profeciaca ninandami ñucanchitaca cushichin.