Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 LECCIÓN 3

Ali villaigucunaca ¿Diosmandapachachu shamun?

Ali villaigucunaca ¿Diosmandapachachu shamun?

1. ¿Imamandata Bibliataca Diosmi escribichishca ninchi?

Bibliapica ninmi, na huañushpami gentecunaca Alpapi causanga nishpa (Mateo 5:5). Bibliapica 66 librocunami tian. Callari picha librocunataca Moisesmi 3.500 huatacuna huashaman escribirca. Cutin Apocalipsis librotaca apóstol Juanmi 1.900 huatacuna huashaman escribirca. Dios paipa espíritu santohuan ayudajpimi, Dios agllashca 40 jaricunaca Diospa yuyaicunata escribirca (2 Samuel 23:2). Chaimandami Bibliataca Diosmi escribichishca ninchi. 2 Timoteo 3:16; 2 Pedro 1:20, 21, liipangui.

2. Biblia Diospa Shimi cajtaca ¿imamandata yachanchi?

Bibliaca Diospa Shimi cashpami, jipa punllacunapi ima pasanataca cabalguta villan. Pipash shina villaitaca na ushanllu (Josué 23:14). Tucui ushaita charij Diosllami jipa punllacunapi ima pasanata villan. Isaías 42:9; 46:10, liipangui.

Bibliaca cunan tiempopi librocunashnaca na canllu. Mundo enteropica 2 mil millón yali Bibliacunami 450 yali idiomacunapi llujshishca. Ñaupa tiempopi escribishca cashpapash cientificocunapa yachachishcacunahuan ricujpica Bibliaca na pandarinllu. Bibliata escribijcunaca tucuicunami shujlla yuyaita escribirca. * Bibliaca juyaj Dios cajtami ricuchin. Cunanbipash gentecuna aliguta causachunmi ayudan. Chaicunata ricushpami Biblia Diospa Shimi cajta crinchi. 1 Tesalonicenses 2:13, liipangui.

 3. ¿Imatata Bibliaca yachachin?

Gentecuna aliguta causachun Dios munashcatami Bibliaca yachachin. Adanbash Evapash Paraisopi causanata chingachishcata, jipa punllacunapi cai Alpa cutin paraíso tucunatapashmi yachachin. Apocalipsis 21:4, 5, liipangui.

Bibliapica leycunatapash, ali causangapaj consejocunatapashmi tarinchi. Gentecunata Dios imashina tratashcata Bibliapi ricushpami, imashina Dios cajta yachanchi. Diosta ali rijsishpami paipa amigo cashun. Salmo 19:7, 11; Santiago 2:23; 4:8, liipangui.

4. Bibliata ali intindichunga ¿imata ayudanga?

Diospa Shimita ali intindichingapaca Jesusca textocunatami ali intindichin carca. Shinallatami Bibliata ali intindichun cai folletoca ayudanga. Lucas 24:27, 45, liipangui.

Diospa ali villaigucunaca imahuanbash na igualanllu. Shinapash huaquingunaca uyangapallapash na munashpami, chaimanda parlai callarijpica culiran. Quiquinda chaicuna desanimachichunga na saquinachu cangui. Bibliapica ninmi, Diosmanda yachajushpallami Paraisopi para siempre causai ushangui nishpa. Juan 17:3, liipangui.

 

^ par. 3 La Biblia... ¿la Palabra de Dios, o palabra del hombre? librota ricupangui.