Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

 LECCIÓN 5

¿Imatata Diosca cai Alpahuan ruranga?

¿Imatata Diosca cai Alpahuan ruranga?

1. ¿Imapata Alpataca Diosca rurarca?

Gentecuna causachunmi Diosca Alpataca rurarca. Cutin jahua cielotaca angelcuna causachunmi rurarca. Adanda, Evataca cielopi causachunga na rurarcachu (Job 38:4, 7). Paicuna causachunga jardín de Edén nishca juyailla Paraisopimi Diosca churarca (Génesis 2:15-17). Diosca munarcami Adanbash Evapash paicunapa huahuacunapash Alpapi para siempre cushilla causanajuchun. Salmo 115:16, liipangui.

Jardín de Edenllami shuj Paraíso carca. Adanhuan Evahuan huahuacunata charijpi, gentecuna mirashpami tucui cai Alpa paraíso tucuna carca (Génesis 1:28). Cai Alpapica siempremi gentegucuna causanga. Ima horapash cai Alpaca na tucuringachu. Salmo 104:5, liipangui.

2. Cunanbica ¿imamandata Alpaca na shuj paraíso can?

Paita na cazuimandami Diosca Adanda, Evatapash jardín de Edenmanda llujchirca. Chaimandami Paraisoca tucurirca. Pipash cai Alpata shuj paraisota ruraitaca na ushashcachu. Bibliapica nijunmi cai Alpaca nali, millai gentecunapa maquipimi can nishpa (Job 9:24). Génesis 3:23, 24, liipangui.

Gentecuna Paraisopi causachunmi Diosca munan. Chaitaca ¿pactachingacha? Ari. Diosca tucui ushaitami charin. Paipa munaitaca pactachingami (Isaías 45:18). Jipa punllacunapica, callaripi Dios munashcashnami gentecunaca Paraisopi causanajunga. Salmo 37:11, liipangui.

3. Cai Alpaca ¿imashinata shuj paraíso tucunga?

Jesús cai Alpata mandajujpimi shuj paraíso tucunga. Armagedonbimi Jesusca ali angelcunahuan Diospa contracunata  tucuchinga. Shinallata huaranga huatacunatami Diablota huatashpa vichanga. Contracunata tucuchijuj punllacunapica Diosta sirvijcunataca Jesusmi cuidanga. Chai jipaca Paraisopimi para siempre cushijushpa causanajunga. Apocalipsis 20:1-3; 21:3, 4, liipangui.

4. ¿Ima horata llaquicunaca tucuringa?

¿Ima horata Diosca Alpamanda nalicunata tucuchinga? Nalicunata tucuchina punlla chayamujujta yachachunmi, ima llaquicuna ricurimunata Jesusca villarca. Cunanbimi ninanda llaquichij punllacunapi causanajunchi. Chaicunami ricuchin tucurimui punllacunapi causanajushcata. Mateo 24:7-14, 21, 22, liipangui.

Jesús jahua cielomanda huaranga huatacunata cai Alpata mandajushpami llaquicunata tucuchinga (Isaías 9:6, 7; 11:9). Diosta juyaj gentecunapa juchacunatapash anchuchingami. Shinami Diosca Jesusta utilizashpa ungüicunata, rucuyaicunata, huañuitapash tucuchinga. Isaías 25:8; 33:24, liipangui.

5. Paraisopica ¿picunallata causanga?

Tandanajuicunapimi Diosta juyajcunata, Diospa munaita rurangapaj munajcunata rijsipangui.

Diosta cazujcunallami Paraisopica causanga (1 Juan 2:17). Ali shungu gentecunata mascashpa Diospa ñaupajpi ali ricurichun yachachigrichi nishpami Jesusca mandarca. Paraisopi causachunmi Jehová Diosca ashtaca ashtaca gentecunata yachachijun (Sofonías 2:3). Testigo de Jehovacunapa tandanajuicunapica familia enteromi cushilla Diosta sirvinajun. Bibliapa ali villaigucunata uyashpami cusahuarmi ali causanata, huahuacunata ali cuidanatapash yachajun. Miqueas 4:1-4, liipangui.