TAPUI 5

Colegiopi yapata burlarijpi, molestajpica ¿imatata rurasha?

¿CAITA YACHANACA MINISHTIRINLLU?

Imata rurashpapash alipa o nalipami canga.

¿IMATASHI RURANGUIMAN?

Caipi yuyapai: Thomasca ñana colegioman ringapaj munanllu. Quimsa quillacuna huashamanmi colegiopi shuj jovengunaca, Thomasmanda llullacunata nishpa shujman shujman parlashca. Shinallata racialla apodocunata churashpami molestai callarishca. Huaquinbicarin chai jovengunaca yadrede tangashpami librocunatapash urmachishpa yalishca. Shuj punllacarin paicunapuramanda shuj jovenga huashamandami tangashca. Thomas tigrarishpa ricujpica tucuicunami imatapash na rurashcashnalla ricunajurca. Shinapash caina punllami ashtahuanbachaca llaqui carca. Internetpi shuj mensajeta cachashpami Thomastaca manllachirca....

Quiquin Thomas cashpaca ¿imatashi ruranguiman?

PENSARIPAI

Ama yapata preocuparichu. Na macashpa difindirita ushanguimi. Chaipaca ¿imatata rurana cangui?

 PAICUNATACA AMA CAZUICHU. Bibliapica ninmi: “Shinlli shungu runa fiñarishpaca, pai imata munashcata ruranllami. Ashtahuangarin alipacha yachajushca runaca jarcarinmi” nishpa (Proverbios 29:11). Quiquin tranquilo cajta ricushpaca burlarijcuna, molestajcunaca tal vez aburririshpa saquingami.

AMA SHINALLATA TIGRACHICHU. Bibliapica ninmi: “Cangunata nalita rurajpipash, na chashnallata tigrachinachu canguichi” nishpa (Romanos 12:17). Paicunashna ruranaca ashtahuan nalimi canga.

NALICUNAMANDA ANCHURINGUI. Bibliapica ninmi: “Ali yuyaita charij runaca, ima llaqui japinata ricushpaca pacajunmi” nishpa (Proverbios 22:3). Shinaca maipi ashtahuan molestajta yachashpaca, shuj ladotami rina cangui. Shinami pipash llaquichinamanda caruyangui.

IMATA NINATA ALI PENSARINGUI. Bibliapica ninmi: “Aliguta parlashpa tigrachij shimica, ninanda fiñarishcatapash anchuchinmi” nishpa (Proverbios 15:1). Paicunahuan igualarijunapa randica asingapaj imatapash nishpa cushillami cana cangui. Shuj ejemplota ricupai, pipash quiquinda yapa racumi cangui nishpa molestajujpica, quiquinga cashna ninallami cangui: “Ari, ashata tsalayanami cani yarin” nishpa.

UCHALLA ANCHURINGUI. 19 huatacunata charij Nora jovenga ninmi: “Uchalla anchurishpaca imatapash aliguta yuyashpa ruraj cashcata, na manllaj, na ñapash fiñarij cashcatami ricuchingui. Shinapash yapata molestajcuna, burlarijcunaca na shina caita ushanllu” nishpa (2 Timoteo 2:24).

NA MANLLASHPA SEGUROMI CANA CANGUI. Yapata molestajcuna, burlarijcunaca picuna manllajta, na seguro sintirijtaca jaicatami cuenta japin. Shinami na difindiri ushangachu yan. Shinapash quiquin shinllillata imatapash nijpica ñana molestangachu.

PIMANBASH VILLANAMI CANGUI. Punda profesora cashca huarmica ninmi: “Pipash yapata molestajpi, burlarijpica uchallami pimanbash villana can. Shina villajpimi shujcunataca ñana shina llaquichinga” nishpa.

Quiquinga na manllashpa seguromi sintirina cangui.

Yapata burlarijcunaca na shina sintirinllu.

[Epígrafe de la página 16]

¿YACHASHCANGUICHU?

Bullying nishcaca macaillaca na canllu. Shuj ruraicunapashmi can:

Rimashpa llaquichina. 20 huatacunata charij Celineca ninmi, “imacunatapash pinganai shimicunahuan ñucata rimashcataca nunca na cungai ushashachu. Imapapash na valij, tucuicuna na alicachishca shinami sintirircani. Macajpi ñavi verdeyashcarapash uchallami ali tucunman” nishpa.

Shujcunata na ricunayachina. 18 huatacunata charij Haleyca ninmi, “ñuca cumbacunaca ñana ñucahuan tandanajungapaj munarcachu. Paicunahuan micungapaj mesaman quimirijpica, pushtu tiajpipash na paicunahuan tiarichun munanllu carca. Chaimandami huata enterota ñucalla micushpa, huacashpa yalircani” nishpa.

Internetpi, celularpi llullacunata nina. 14 huatacunata charij Danielca ninmi, “computadorapi, celularpi ashalla shimicunata escribishpapash shujcunapa causaita huaglichita usharinmi” nishpa.

 [Epígrafe de la página 17]

¿CAICUNATA YACHANGUICHU?

¿CIERTO O LLULLA?

RESPUESTACUNA

1 Yapata molestajcuna, burlarijcunaca pundamandami tiashca.

1 Ciertomi can. Bibliapica, manllanayai jatun millai runacuna cai pachapi tiashcatami parlan. Chai gentecunatami hebreo shimipica nefilim o shujcunata llaquichij nishpa rijsin (Génesis 6:4).

2 Bullyinga na peligroso canllu.

2 Llullami can. Ashtaca jovengunaca yapata burlarijpi, molestajpimi imatapash rurashpa paicunallata huañushca.

3 Ama yapata molestachun, burlarichunga macanajunami cangui.

3 Llullami can. Yapata molestajcuna, burlarijcunaca casi siempremi yali jatunguna can. Paicunahuan macanajunaca na minishtirinllu.

4 Molestajujta, burlarijujta ricushpaca na pimanbash villanachu cangui.

4 Llullami can. Upalla quedashpaca, shina gentecuna mirachunmi apoyajungui.

5 Shina gentecunaca na seguro sintirishpami shujcunata llaquichishpa jariyan.

5 Ciertomi can. Paicunaca na seguro sintirishpami, shujcunata molestashpa, burlarishpa pingaipi saquishpa ali sintirin.

6 Shinacunaca cambiaita ushanmi.

6 Ciertomi can. Pipash ayudajpica paicunaca cambiaita ushangami.

[Epígrafe de la página 17]

CAITA RURAPANGUI

Yapata molestajpi, burlarijpica ¿imatata rurasha?

[Epígrafe de la página 17]

YACHAJUSHPA CATIPAI

Internetpi jw.org paginaman yaicushpa (ENSEÑANZAS BÍBLICAS > JÓVENES > pizarra animada) nishcapi Cómo defenderte sin dar un solo golpe videota ricupangui. Quichua Imbaburapi título ¿Imashinata na macashpa difindirita ushangui?