Agllashca temata ricungapaj

Temacunata ricungapaj

Testigo de Jehovacuna

Idioma quichua (imbabura)

Pipash canhuanmi puñungapaj munani nijpica ¿imatata rurasha?

Pipash canhuanmi puñungapaj munani nijpica ¿imatata rurasha?

 TAPUI 7

Pipash canhuanmi puñungapaj munani nijpica ¿imatata rurasha?

¿CAITA YACHANACA MINISHTIRINLLU?

Imata decidishcapash tucui causaipami canga.

¿IMATASHI RURANGUIMAN?

Caipi yuyapai: Mike y Heatherca ishcai quilla huashamanlla enamorado shina puri callarishca cashpapash, unaita purishca cuendami sintirin. Paicunaca punlla enteromi mensajecunata cachan, celularpi parlan, ishcandillatami imata nigrijujtapash ali yachan. Shinapash Mikeca parlangapallaca ñana munanllu.

Cunangamanga Mikeca Heatherhuan maquimanda japirishca, mucharishcami. Heatherca juchapi urmangapaca na munanllu. Shinapash novio paita saquichunbash na munanllu. Heatherca ni pihuan shina ali, juyaillaguca na sintirishcachu. Chaimandami Heatherca pensarin, “Mikehuanga juyarinchimi” nishpa.

Pihuambash puri callaringapaj edadta charishpa, quiquin Heather cashpaca ¿imatashi ruranguiman?

PENSARIPAI

Taita Diosmi jarita, huarmitaca ishcandi cana munaihuan rurashca. Shinaca cazarashpallami ishcandi pacta puñuita ushan. Chaimanda caipi yuyapai, shuj juyailla camisata carajpica chai camisata mapacunata limpiangapaca na utilizanguimanllu. Shinallatami, nara cazarashpallata cusahuarmishna pacta puñushpaca Diospa mandashcacunata na cazushpa, yangapi churashcata ricuchingui.

Taita Diospa mandashcapica ninmi, huainayashpa causanataca saquinami canguichi nishpa. Shinaca nara cazarashcacunaca na pacta puñunachu can. Shuj ejemplota ricupashun, semáforo puca michapi cajpi calleta yangata yalishpaca llaqui apai ushanguimi. Shinallatami Diospa mandashcata na cazushpaca jatun llaquipi urmai ushangui (1 Tesalonicenses 4:3).

Diospa mandashcacunata na cazujpica ¿imata pasan? Bibliapica ninmi: “Pipash huainayashpaca, paipaj cuerpotallata fiñashpami, chashna ruran” nishpa (1 Corintios 6:18). Cai shimicunaca ¿imatata yachachin?

 Investigaciongunata rurashpaca, nara cazarashpallata pihuanbash juchapi urmashca ashtaca jovenguna imashina sintirishcatami yachashca. Paicunaca:

NALI SINTIRIN. Nara cazarashpallata juchapi urmashca jovengunaca casi tucuicunami jipamanga nali sintirishpa ninanda arripintirin.

ÑANA CONFIANZATA CHARIN. Juchapi urmashca jipaca, ñuca novia o novioca pihuanllashi ashtahuan carca nishpami tapurin.

NA FÁCIL CRI USHAN. Ashtaca Joven huarmicunaca pihuan puri callarishpapash paicunata cuidachunmi munan. Pipash paicunamanda aprovecharichunga na munanllu. Shinapash huarmicuna imatapash na fácil ari nijpica, ashtaca jaricunaca ñana paicunahuan cangapaj munanllu.

Shinaca ¿imatata yachajunchi?: nara cazarashpallata jarihuan o huarmihuan juchapi urmashpaca ali jari, ali huarmi cashcataca yangapimi saquijunguiman (Romanos 1:24). Quiquinba cuerpotaca ama huaglichichu. Ama yangapi churanguichu.

Nara cazarashca cashpaca jarihuan, huarmihuan cusahuarmishnaca na pacta puñunachu cangui (1 Tesalonicenses 4:3). Ña cazarashpaca cusahuarmi shina pacta puñuita ushanguichimi. Nara cazarashpallata pihuambash caimanda nali sintirishpa, na tranquilo cashpa, pingaihuan canapa randica, cazarashca jipa cusahuarmi cashpaca cushillami sintiringui (Proverbios 7:22, 23; 1 Corintios 7:3).

 ¿IMATA NIPANGUIMAN?

• Pipash quiquinda ciertopacha juyashpaca tucuipi cushilla cachunmi munanga.

Pipash quiquinmanda ciertopacha preocuparishpaca, Diosta na cazushpa, imatapash rurachunga na munangachu (Hebreos 13:4).

[Epígrafe de la página 22]

HUARMICUNAPA

Ashtaca jovengunaca ninmi, pihuanbash ña cusahuarmishna pacta puñushca huarmihuanga nimamanda na cazaraimanllu. Ni pihuan nara cashca huarmihuanmi cazarangapaj munaiman nishpa.

Shina nijta uyashpaca ¿imashinata sintiringui? Culiranguipashchari. Shinapash yaripai: peliculacunapi, televisionbimi jovenguna cusahuarmishna pacta puñunaca na juchachu can nin. Cushilla cangapaj, ishcandillata ciertopacha juyarishcata ricuchingapami can nishpa crichin.

Shinapash chai nishcacunataca na crinachu cangui. Pipash, canhuanmi puñungapaj munani nishpaca paipilla pensarijushcatami ricuchijun (1 Corintios 13:4, 5).

[Epígrafe de la página 23]

JARICUNAPA

Noviata charishpaca cashna tapuri: “¿Ciertopachachu juyani?”. Ciertopacha juyashcataca ¿imashinata ricuchi ushani? nishpa. Shinallata jarihuan, huarmihuan pacta canamanda Taita Dios mandashcata cazungapaj esforzarinami cangui. Ama juchapi urmangapaj imatapash ali yuyashpa rurangui. Juyaimandami huarmigu ali sintirichun imatapash ali rurana cangui. Shinami ciertopacha juyashcataca ricuchijungui.

Shina ali cualidadcunata ricuchijpica quiquinba noviaca sulamita huarmigu shinami sintiringa, sulamitaca paipa yuyaipi limpio, tucuipimi ali carca. Chaimandami cashna nirca: “Ñuca juyashcaguca ñucapajmi, ñucaca paipajmi cani” nishpa (El Cantar de los Cantares 2:16). Shinami candaca tucui shunguhuan ashtahuan juyanga.

[Epígrafe de la página 23]

CONSEJOCUNA

Pipash nara cazarashpallata: “Ñucata juyashpaca ñucahuan puñunguimanmi nijpica”, shinllita cashna ninguilla: “Ñucata juyashpaca na shina nijunguimanllu” nishpa.

Taitapa, mamapa ñaupajpica imapash nalicunataca na ruranguimanllu. Chaitami pihuan purijushpapash yaipi charina cangui.

[Epígrafe de la página 23]

CAITA RURAPANGUI

Nara cazarashpallata pipash canhuan puñungapami munani nijpica ¿imatata ninguiman?

Ishcandilla cashpaca, nalita ruranamanda jarcarinaca ¿nachu ashtahuan difícil canga?

Ama ishcandilla cangapaca ¿imatata ruragringui?