Agllashca temata ricungapaj

Jipa punllacunapica ¿imashinashi causashun?

Jipa punllacunapica ¿imashinashi causashun?
  • ¿Cunanbishnacha causashun?

  • ¿Ashtahuan nalicha causashun, o

  • ashtahuan alicha causashun?

 BIBLIACA NINMI

‘Diosmi paicunapa ñavimandaca tucuilla viquita fichanga. Huañuipash huacaipash llaquipash nanaipash na ashtahuan tiangachu. Punda ima tiashcapash illangami’ nishpa. (Apocalipsis 21:​3, 4, Biblia en Quichua de Imbabura.)

BIBLIAPICA YACHACHINMI

Ungüicunahuan ñana sufrinata (Isaías 25:8; 33:24).

Aliguta trabajashpa cushijushpa causanata (Isaías 65:​21-23).

Ñucanchi familiacunahuan, rijsicunahuan cushijushpa causanata (Salmo 37:​11, 29).

 ¿IMAMANDATA BIBLIAPI CRINA CAPANCHI?

Ishcai yuyaicunata ricupashun:

  • Diosca tucuitapachami pactachi ushan. Bibliapica ninmi, Taita Diosca ‘tucui ushaitami charin’ nishpa (Apocalipsis 15:⁠3). Ali causaita Taita Dios cusha nishcamandami, ali causaigu tianata shuyanajunchi. Bibliapica ninbashmi, Diosca tucuitami rurai ushan nishpa (Mateo 19:26).

  • Diosca caita pactachingapami munan. Bibliapica ninmi, Jehová Diosca tucuilla huañushcacunatami causachingapaj munan nishpa (Job 14:​14, 15).

    Bibliapica ninbashmi, ungüihuan gentecunata jambingapaj munashpami Diospa Churi Jesusca jambirca nishpa (Marcos 1:​40, 41). Jesusca paipa Taitashnallatami gentecunata ayudangapaj munarca (Juan 5:⁠19).

    Imashinami ricupanchi Taita Diospash Jesuspash gentecuna jipa punllacunapi cushijushpa aliguta causachunmi munan (Salmo 72:​12⁠-14; 145:16; 2 Pedro 3:⁠9).

 TAPURIPAI

Gentecuna cushilla aliguta causachunga Taita Diosca ¿imatashi ruranga?

Bibliapi ima nijta ricupai MATEO 6:​9, 10; DANIEL 2:⁠44.