• ¿Ñucanchi shungupicha can?

  • ¿Taita Diospa munaicha can?

  • ¿Cielopi gobiernocha can?

 BIBLIACA NINMI

Taita Dios cai pachapi tiaj tucui llactacunata mandana punllami pactarishca. Chaipimi Diospaj Churica, causaita causaicaman mandanga nishpa. (Apocalipsis 11:15, Biblia en Quichua de Imbabura.)

‘Shuj churigutami ñucanchiman caramushca. Mandanataca paipa maquipimi churashca’ nishpa. (Isaías 9:6.)

BIBLIAPICA YACHACHINMI

 ¿IMAMANDATA BIBLIAPI CRINA CAPANCHI?

Ishcai yuyaicunata ricupashun:

  • Diospa Reino imashina canatami Jesusca ricuchirca. Chaimandami Jesusca paipa catijcunataca Diospa Reino chayamuchun, cai alpapi Diospa munai pactarichunbash mañaichi nishpa yachachirca (Mateo 6:9, 10). Chai mañashcacuna imashina pactarinatapashmi ricuchirca.

    Jesús cai alpapi cashpaca, milagrocunata rurashpami, gentecunaman micuchirca, ungushcacunata jambirca, huañushcacunatapash causachirca (Mateo 15:29-38; Juan 11:38-44). Diospa Reinopi Jesús mandana cashpami, juyailla bendicionguna tianatapash ricuchirca (Apocalipsis 11:15).

  • Mundo enteropi ima pasajujta ricushpami Diospa Reino ña chayamujujta cuenta japinchi. Jesusca nircami, Diospa Reino ña chayamujujpica, mundo enteropimi jatun macanajuicuna, ninan yarjaicuna, alpa chujchuicunapash tianga nishpa (Mateo 24:3, 7).

    Cunanbimi chai llaquicunataca ña ricunajupanchi. Chaimandami, Taita Diospa Reino llaquicunata ñalla tucuchinataca crina capanchi.

 TAPURIPAI

Diospa Reino mandajujpica ¿imashinashi causashun?

Bibliapi ima nijta ricupai SALMO 37:29, ISAÍAS 65:21-23.